ANG KINABUHI SA MGA LAYKO DIHA SA SIMBAHAN

2014 Tuig Sa Layko
Part 3 of 3

Si Msgr. Jose Antonio Galvez nagpadayag nga mao kini ang panahon sa pagpahinungod ug pagsaulog sa mga layko kinsa ang mga karisma ug bililhong pagpaambit sa Simbahan ug sosyedad. Kini nga pagsaulog magdasig sa mga layko nga motubag sa mga hagit diha sa kinabuhi sa Simbahan ug sibil nga sosyedad.

Sumala ni Pope Francis: “ Ang layko usa ka leman ug magpuyo  nga usa ka layko sa gahum diha sa bunyag, nga makapahimo niya nga magdala sa Gugma sa Dios diha sa katilingban mismo, magmugna ug magtanum og paglaum, magsangyaw sa pagtoo, dili sa pulpito apan sa iyang inadlaw-adlawng kinabuhi. Ug kitang tanan, magpas-an kanunay sa iyang matag-adlaw nga krus – ang krus sa usa ka layko, dili ang sa pari.

 

PAGKAT-ON SA KINABUHI

Kalihukan: Pagkuha og papel

1)       Himoa nga imong “nametag”, sulati sa imong  ngalan diin ikaw gibunyagan sa tungang bahin sa papel.

2)       Sa ubos sa imong ngalan, ibutang ang kahulugan sa Imong ngalan ug ibutang usab ang petsa sa imong bunyag.

3)       Isulat sa walang bahin sa itaas sa “nametag” ang simbolo o pulong nga  naghulugan nga“layko”.

4)       Sa tuong bahin sa itaas sa “nametag”, isulat unsa ang kahulugan pulong/simbolo sa pagka-balaan?

5)       Isulat sa walang bahin sa ubos sa “nametag”, kinsa ang imong modelo sa pagka-balaan?

6)       Isulat sa tuong bahin sa ubos sa “nametag”, unsa ang imong misyon isip layko?

Pagkahuman nimo himo niini, ipaambit sa imong mga sakop sa panimalay.

Hinaut nga sa mosunod nato nga katekesis makamugnakini  og bag-ong enerhiya sa mga layko diin  masabtan nila ang ilang misyon, katungod ug katungdanan diha sa Simbahan ug Sosyedad.

 

Assignment:

1)    Alang kanimo, unsa ang layko diha sa simbahan?

2)    Isip layko unsa ang imong naila nga gimbuhaton diha sa katawhan?

3)    Unsa ang tawag sa layko sumala gimbut-an sa Dios?

 

by: John XXIII Catechetical Center

No Comments

Post A Comment