Mindanao SocCom Nagtigum sa unang higayon

Sa unang higayon nahitabo nagtigom ang mga direktor sa Social Communications sa matag Diyosesis sa Mindanao, Agosto 7-8. Kinse ka mga deligado gihimamat ni Fr. Lito Jopson, secretary sa Episcopal Commission on Social Communications nga kasamtangang gipangulohan ni Most Rev. Mylo Vergara.

Gihimo ang maong kalihukan didto sa Charles Borromeo Retreat House diin gilapag ni Fr. Jopson ang plano sa maong komisyon ug ang pipila ka bag-ong hagit labi na ang pag-abot sa mga digital TV sa dili madugay.

Sa pagbisita sa mahal nga Arsobispo sa Davao, Romulo G. Valles, iyang gihangyo ang pag-ampo sa mga delegado alang sa pagtukod pag-usab sa radyo sa Arkidyosesis sa Davao.

Nanghinaut ang mga deligado nga mapahitabo kini pag-usab aron sa pagpadayon sa pag-inambitay sa usa’g usa sa natad sa maong apostolado.