Ang Sacramentals (Part 2 of 2)

(Unsa ang kahulogan ug kamahinungdanon sa pagtamod nato ug Holy Water o bendita, Scapular, Krusipiho, Ashes o Abo, Kandila ug uban pa?)

Mga kahulogan ug kamahinungdanon sa mga balaang butang o blessed object of devotion pinasikad sa tudlo sa atong Simbahan: HOLY WATER o bendita
 — usa ka sacramental nga gibendisyonan sa Simbahan, gilangkoban kini ug tubig ug gamay nga asin aron makatabang ug makapa-usbaw sa atong mga pagbati sa panglawas ug makapahawa sa mga dautang espiritu. Sagad usab kining ginagamit sa pagbunyag kanato ug paghatag ug mga panalangin pinaagi sa pag-bisbis niini sa katawhan ug balaang mga butang ug imahen. “Boboi sila ug limpyong tubig aron malinisan sila sa ilang mga kahugawan” Ezequiel 36:25. Angay bantayan nga dili kini usa ka mahika o magic power, aron mamahimo kining epektibo naga-agad sa atong lalom nga pagtoo ug debosyon.

Ang KANDILA — sagad nga ginagamit sa atong Simbahan panahon sa mga pag-ampo ug mga liturhikanhong lihok, tungod ang kandila naga simbolo sa kahayag, maingon nga si Kristo ang kahayag sa kalibutan, kon magbutang kita niini sa panahon nga kita mag-ampo atong gipadayag  nga ang kahayag maoy mutoltol kanato sa atong paglawig ngadto kang Kristo ug sa atong mga gipahinungdan, ug ang Ginoo maoy moiwag kanato. (cf. Lucas 2:32, Mateo 5:16)

Ang Abo o ASH — kini gina bindesyonan sa atong Simbahan ug kasagaran nato kining dawaton matag- miyerkules sa badlis o ash Wednesday ug kini ginabutang sa atong agtang ug i-pormang krus. Kini nagapahinomdum kanato sa giingon sa Dios nga: “Hinimo ka gikan sa Yuta, ug sa yuta ka pauli” Genesis 3:19. Mga pahimangno nga kita gikad sa abog ug sa abog kita mopauli ug atubangan sa Dios abog lamang kita nga dili angay mag-pagarbo.

Ang KRUSIPIHO — ang Krus timaan nga kita iya ni Kristo ug kita Kristiyanos busa kung baduna kitay krusipiho atong mahinomdoman ang walay sukod nga gugma sa Dios dinhi kanato iya kining gipamatud-an nganhia sa iyang kamatayon sa Krus. Kay ang Krusipiho usa ka sacramentl nga naga-presintar sa kamatayon ni Kristo sa Krus. “Kay alang sa mga nagkalag-lag ang kaasoyan sa Krus usa ka binuang, apan alang kanatong ginaluwas. GAHUM KINI SA DIOS1 Corinto 1:18.

Maong sa ato usab nga lihok aduna kitay PAGPANGUROS dinhi atong gipatik sa atong lawas nga sa krus ni Kristo naiya kita, tinimaan nga nakighiusa kita kaniya.

Ang SCAPULAR — usa ka sapot nga kolor brown sagad nga ginasuot sa mga relihiyosong magtotoo, kini makahatag ug lalom nga debosyon nato sa Ginoo ug sa iyang Langitnong Inahan, kini adunay saad nga gihatag kanato ug mismo ang Mahal nga Birheng Maria ang nanaad niini siya nag-ingon “Whosoever dies wearing this scapular shall not suffer eternal fire” Our Lady’s scapular promise nganhi kanato iya kining gisaad para sa kaayohan natong tanan uban sa pag-ampo ug pagtoo kon kita mag sul-ob niini.

Ang Lukay o Palm — mao kini ang ginagamit panahon nga kita magpa-badlis ug abo  panahon sa miyerkules sa badlis o ash Wednesday, kini gina-sunog aron mahimong abo uban sa pagbindesyon niini sa atong Simbahan, sagad usab kining ginabutang nato sa balay ug i-porma ug Krus  timaan kini sa pagsaulog nato sa kadaugan ni Hesukristo sa pagsulod niya ngadto  sa Jerusalem ug gisugat siya sa katawhan pinaagi sa pag-wagay-way nila gamit ang mga lukay (cf. Matthew 21:1-11; Mark 11:1-11; Luke 19:28-44;  John 12:12-19 ug Ezeq. 9:1-6).

No Comments

Post A Comment