‘Ang Katolikong Simbahan Inahanon’

Madasigon nga giatubang ni Yanong Muloy ang mga opisyales og miyembro sa San Roque GKK (Calinan) atol sa ika-50 niini ka kasumaran niadtong Agosto.

Matud niya, ang maong kasaulogan usa ka pagpadayag sa pagtoo sa katilingban ug nga kini dili lang sa katigulangan nga maoy naghago aron kini matukod.

Sa pipila na ka pagbisita ni Yanong Muloy sa mga GKKs dinhi sa Artsidiyosesis sa Dabaw, siya sa kanunay nagadasig sa matag usa. Gipasibaw sa Arsobispo ang kahulogan sa pagtoong Katoliko kon Roman Catholic and Apostolic Church.

Roman – “Didto nagpwesto si Pedro (ang unang Santo Papa) gikan sa Jerusalem; didto nagtake-off ang pagtoo (Katoliko).

Catholic – “Gikan sa Griyego ‘Katolikos’, nagpasabot kini nga ‘no borders’; mapinanggaon, pangkalibutan. Ang Good News is for everybody, walay pili. Ang Simbahan inahanon. Sa isyu nga ginaatubang sa ubang sekta o relihiyon, ang tubag sa Catholic Bishops Conference of the Philippines (CBCP) nga Presidente mao: ‘We will pray for them.’

Apostolic – Gikan pa kay apostol San Pedro hangtud sa karon, way undang, way putol ang liderato/pagdumala sa Simbahan. Taas na ta ug agi. Sumpay ta sa tradisyon sa mga first leaders…undeniable, mubiya ba mo?

Sa katapusan, gihagit ni Yanong Muloy ang tanan nga gunitan ang kinauyukan sa pagtoo.

No Comments

Post A Comment