Patience (Pasensiya)

Kung duna kay pasensiya para sa uban, kana tungod kay nahigugma ka kanila.

“Nagsabot mi ug ang akong mga suod nga barkada nga mangaon sa sulod sa usa ka ilado nga Mall. Apan miabot na lang ang usa ka oras, wala gihapon sila mosipot. Naglagot ko, apan, tungod kay gihigugma nako sila, ako nalang silang gipaabot.”

Kung duna kay pasensiya sa imong kaugalingon, kana tungod kay naglaum ka nga moabot.

“Gusto ko nga maka top 5 sa among klase mao nga buhaton nako kada gabii nga mohatag ko’g panahon sa akong kaugalingon aron magbasa og libro ug maghimo sa mga homework.”

Kung duna kay pasensiya sa pagpaabot sa gusto sa Ginoo, kana tungod kay duna kay lig-on nga pagtoo.

“Sa buntag inigbangon nako moingon ko, ‘Lord, salamat sa kinabuhi. Ikaw nay mugiya nako karong adlawa.’ Sa dili pa ko matulog, moingon ko, ‘Lord, pasayloa ko sa akong mga kapakyasan nga gibuhat karong adlawa ug salamat sa paggiya.”