GKK San Isidro Labrador Agdao

Pulong sa Diyos, kusog sa mga bata sa Agdao

GKK San Isidro Labrador AgdaoSa unang higayon ang GKK sa San Isidro Labrador Zone 8, nga sakop sa San Antonio De Padua Parish – Agdao midawat sa nag exposure nga seminarian.

Siya si Bro. Hernane F. Gallan gikan sa Diocese of Ipil, Zamboanga og nagaeskwela sa Regional Major Seminary (REMASE). Wala niya gisayangan ang mga oras nga siya nakig-uban sa San Isidro Labrador, GKK kay gitudloan niya ang mga bata nga nagpangidaron og 8 anyos hangtod 12 anyos.

Si Yuri Pene, 12 anyos usa sa iyang mga tinun-an, miingon, “ganahan ko nga mag sige ug dula, apan karon nga niapil ko sa Bible Study ganahan nako nga mosulod sa among kapilya ug mobasa sa pulong sa Dios sa Kasaulogan sa Pulong.”

Sa pikas bahin si Bro. Hernane wala pod nagtoo nga ing-ana diay kadasig ang mga bata nga makakat-on sa pagbasa sa bibliya. “Malipayon ko nga nagtudlo sa mga bata kay akong nakita ang ilang kadasig nga makahibalo sa mga pagtulon-an sa simbahan og pagbasa sa Bibliya.”

Ang Bible Study ginapahigayon kada Domingo sa hapon sa maong GKK. (Elvira V. Yuson | SAP SoCCom)

No Comments

Post A Comment