Ang ngalan sa DIOS

Ako si Sharon Delgado taga Panabo City. Good Evening po pala. Magtanong lang po ako si Kristo po ba at Jehovah iisa lang ba? At bakit? 0912-34149… Ask lang ko Brod John, si Jehovah ba ang ngalan sa Ginoo nga gihisgutan sa Bibliya? From Allan of Agdao. 0929-6790…

Good Day Sharon and Allan, ang pulong Jehovah gigamit nga pangalan sa pag-ila sa Dios nga Amahan sa pundok relihiyon nga gitukod ni Charles Tazze Russel nga mao ang mga Saksi ni Jehovah.

Diha sa Bibliya nangutana si Moises sa Dios kon unsa iyang ngalan ang Dios miingon “AKO MAO AKO”, Exodus 3:13-14. Ug sa orihinal nga hubad niini sa Hebrew Tetragrammaton gikan sa upat ka consonants mogawas nga YHWH.

Sanglit ang Dios wala may pangalan kay dili man siya ubos sa control sa tawo gitawag siya kaniadto nga AdOnAi. Ang mga vowels nga A, O ug A gikan niini gisal-ot sa YHWH mao nga nahimong YaHoWaH kon Jehovah. Apan luyo niini ang paglitok sa ngalan sa Dios wala mailhi. “Its original pronunciation is unknown” (The New Compact Bible Dictionary p. 270).

Busa ang Jehovah layo ra sa orihinal nga paghubad pagtawag sa ngalan sa Dios Amahan, apan ang mas duol niini mao ang YAHWEH nga maoy ilado ug karaan nga gigamit nga pagtawag sa Dios. Si Kristo ba ug si Jehovah iisa lang ba? Dili kay si Kristo lahi sa Dios Amahan (o Jehovah basi sa pangutana). Si Kristo mao ang ikaduhang Persona sa Santisima Trinidad o ang doktrina sa USA ka Dios diha sa TULO KA PERSONA nga mao ang Amahan, Anak ug Espiritu Santo (Cf. Mateo 28:19-20, 2 Cor. 13:13 ug 1 Juan 5:7 KJV).

Si Kristo mao ang bugtong Anak sa Dios Amahan nga iyang gipadala dinhi sa Kalibutan aron pagluwas kanato (cf. Juan 3:16). Magkalahi ang ilang Persona (cf. Mateo 3:13-17), apan usa lamang sila sa kinaiya sa pagka-Dios (cf. Juan 10:30).