Mga nasunugan gibisita ni Yanong Muloy

Personal nga gibisita ni Yanong Muloy ang duha ka mga katilingban nga nabiktima sa sunog niadtong milabay nga ikaduhang semana sa Marso 2016.

Unang gibisita sa Arsobispo ang komunidad sa Kasilak niadtong Miyerkules, Marso 9 kauban ang pipila ka pangulo ug staff ni Msgr. Leonardo Vicente, kura paroko sa San Pedro Cathedral. Sa adlaw’ng Biyernes, Marso 11, mibisita na usab si Yanong Muloy sa ikaduhang komunidad nga nasunugan sa San Juan.

Adunay kapin kon kulang ka 200 ka mga pamilya ang nabiktima ug temporary nga gipahimutang sa Gym sa Manggahan ug laing kapin 100 ka mga pamilya sa San Juan.

Base sa pakisusi ni Yanong Muloy, nakahatag gilayon ug hinabang ang San Pedro Cathedral pinaagi usab sa pagkolekta sa mga hinabang gikan sa mga katawhan.

Gawas sa mga pag-ampo sa katilingban atol sa misa, padayon nga nanawagan ang simbahan sa mga adunay malumo ug kasingkasing nga motabang pinaagi sa paghatag ug mga gamit sa panimalay ingon man mga pagkaon.

Mamahimong itunol ang inyong mga hinabang sa San Pedro Cathedral.

No Comments

Post A Comment