IIREF Graduation malampuson

Mga estudyante sa Ignatian Institute of Religious Education Foundation Inc. malampusong midawat sa ilang sertipiko nga gigahin kanila isip timaan sa ilang pagtapos sa Theological Formation diha sa Masteral og Vicariate School of Theology nga level kaniadtong Abril 6 tuig 2016 didto sa Sacred Heart of Jesus Parish, Bo. Obrero, Davao City.

Ang IIREF’S SACRED LITURGY OF SENDING FORTH FOR ITS GRADUATES FOR THEIR CHRISTIC MINISTRY gisugdan alas otso sa buntag ug gipanguluhan sa Arsobispo sa Dabaw nga mao si Most Rev. Romulo G. Valles, D.D. ug giabagan sa pipila ka mga kaparian.

Sa maong selebrasyon adunay 42 nga mga indibidwal nga mitapos sa ilang Theological Formation ug 152 ka indibidwal usab diha sa Vicariate School of Theology kinsa kanunay’ng madasigon sa pagtuon sa pulong sa Diyos aron usab ipadayag diha sa uban. Sila nagtuon diha sa Master of Arts in Theology major in Religious Education, Master of Arts in Theology major in Human and Christic Peace Studies, Adult Theological Formation Program, VST of Immaculate Conception Parish-Mintal, VST of San Isidro Labrador Parish-Catalunan Grande, VST of San Miguel Parish-Panacan, VST of St. Francis Xavier Parish-Tibungco, VST of Sto. Rosario Parish-Toril ug VST of Virgen delos Remedios Parish-Toril.

Sa homiliya ni Abp. Valles, iya gisaysay nga kitang tanan mga pari gumikan sa atong kaugalingong bunyag. Iya pud gidugang nga “Kami mga Pari; ang role kay mag-animate kaninyong mga pari.”

Iya usab gipasabot nga: Ang pagtoon sa theology, dili lang kutob sa kahibalo kundili mutuhop gayod diha sa pagpuyo.

Ang matag estudyante gibindisyonan ug gipadala isip mga bag-ong saksi diha sa Kamatuoran isip mga ministro diha ni Kristo. Sila midawat sa Bibliya nga mao ang buhing Pulong sa Diyos ug Kandila nga timaan sa Kahayag ni Kristo. Midawat usab sila sa ilang mga sertipiko nga timaan sa malampusong pagtapos nila sa ilang pagtoon.

Napuno sa Kadasig ug kalipay ang palibot nga Makita usab sa mga dagway sa matag estudyante samtang anaa sulod sa simbahan hangtud matapos ang maong selebrasyon. Matag tuig ginahimo kini sa maong Foundation nga gidumalaan ni Rev. Fr. William J. Malley, S.J. (Rusty Salazar Corsame)