Shepherds Gathering

Shepherds Gathering. (Standing from left) Bishops Rimando (Davao), Dela Peña (Marawi), Galido (Iligan), Caermare (Dipolog), Cabantan (Malaybalay), Bagaforo (Cotabato), Msgr. Baño (Apostolic Administrator, Mati), Msgr. Garcia (Apostolic Administrator, Kidapawan), and Bishop Lampon (Jolo). (Sitting down from left) Archbishops Valles (Davao), Dela Cruz (Zamboanga), Bishop Emeritus Manguiran (Dipolog), Bishops Afable (Digos) and Tonel (Ipil).

Nagtigum ang mga magbalantay sa panon sa nagkalain-laing lokal nga simbahan sa Mindanao didto sa Eden Nature’s Park, Abril 12-14, 2016. Ang maong tigum gihimo sa 2 ka arsobispo, 10 ka Obispo, ug 2 ka mga apostolic administrators.

Gipamalandungan sa mga Obispo sa maong tigum ang Papal Bull nga Misericordaie Vultus ni Santo Papa Francisco mahitungod niining Tuig sa Kalooy ug ang bag-ong gipagula nga Apostolic Exhortation nga Amoris Laetitia mahitungod sa kinabuhi ug gugma diha sa pamilya.

Si Most Rev. Guillermo Afable, Obispo sa Digos, maoy mipaambit sa pamalandong. “Tumong niining maong tigum ang dugang pagpakigsuod sa mga kaobispohan sa Mindanao nga daw dili lamang kaming mga Obispo apan mga higala sa matag-usa,” pulong ni Bp. Afable.