Tuig sa Kalooy, gipasinati sa tulonghaan sa kabukiran

Ang mga batan-on nga sakop sa Catholic Charismatic Youth Community sa Parokya ni San Jose sa Pantukan ComVal Province nagpahigayon ug feeding program ug Katekesis niadtong Abril 21 sa samang tuig sa Tugop Elementary School, Tugop Kingking Pantukan ComVal Province, kini subay sa tuig sa kalooy nga atong gisaulog.

Adunay pagtulon-an mahitungod sa napulo ka sugo nga mahisubay sa ilang edad, coloring book, ug storytelling mahitunod ni David ug ni Goliat. Ug dili lang mga bata ang namahimong mga benepisyaryo, lakip na usab ang mga ginikanan sa pikas sikbit nga klasrom nakadawat ug mga pagtulon-an mahitungod sa pagpadako sa ilang mga anak sa Kristohanong pamaagi.

Matud pa sa mga ginikanan mao daw kadto ang unang higayon nga adunay mihatag kanila ug pagtulon-an ug nakahatag kini ug dakong epekto sa ilang pagkaginikanan ug sa ilang pamilya luyo sa kapit-os, ug kini gikalipay kaayo sa mga magtutudlo sa maong tulonghaan. (Erwin J. Salta, Diocese of Tagum)