‘Ang atong representante si HESUS’

EXCERPTS FROM HOMILY
JUNE 24, 2016
FEAST OF ST. JOHN THE BAPTIST
St. John the Baptist Parish, Lasang

Si San Juan miandam sa katawhan bag-o pa man gianak si Hesus. Si Hesus atong representante sa Amahan. Kining kamatuoran, gipalawman ni Yanong Muloy sa iyang homiliya. Matud niya, nindot nga ang timaan sa atong pagsunod sa Diyos mao ang pagkasama niya – mahigugmaon, maluluy-on.

Ang misa pasidungog sa kapistahan ni San Juan busa nagtigum ang tanan sa pagsaulog. Iyang gipahinumduman ang mga nanambong nga kita giimbita sa Diyos sa Eyukaristiya. “Ang Diyos maoy nag imbita kanato. We are an assembly of God, bangkete sa Diyos ang atong gisaulog karon.”

Ang mga pagbasa, matud pa, pulong nga mamahimong buhi g’yud. Sukad pa kaniadto, tinguha na sa Amahan nga muapakiduol kaniya ang katawhan. “This will be in Jesus Christ – God’s plan sa Ginoo nahimong tinuod niining Santos nga Misa. Ania si Hesus, sa atong taliwala. Ania ang tingog sa Diyos, the Word made flesh. Kini mao ako. Kining pan akong lawas, kining bino akong dugo. Si Kristo nagasulti kanato, nagpadayag kanato. Mahisama pud ta kang Hesus. Kada misa makaduol kita sa Diyos, tunod kang Hesus. Murag naa tay nawong ikaatubang sa Diyos. Makamao kitang muatubang sa Diyos.”

Sa katapusan, nanghinaut ang obispo nga atong handumon sa kanunay si Hesus diha sa Eyukaristiya. “Ang memory unta sa atong kasingkasing, usa lang ka programa. Ang sulod ra gyud mao ang programa sa Diyos.”

No Comments

Post A Comment