‘Eyukaristiya sa yuta, larawan sa bangkete sa langit’

Excerpt from the Homily
International Eucharistic Congress 2016
One-day experience sharing
Sto. Rosario Vicariate, July 16, 2016

“Mahal nato ang gasa sa pagtoo.” Mao kini ang mga pulong ni Yanong Muloy isip pag-abli sa homiliya human matapos ang vicariate-level IEC experience sa St. Peter’s College of Toril gymnasium niadtong Sabado.

Sa panagtapok sa mga GKK servant leaders gikan Sto. Rosario, gipahinumduman sa Arsobispo nga ang “common denominator sa mitambong mao ang kasinatian sa Diyos.” Kini makita na sa pamilya nga bisan wa pay buot ang bata, gitisok gayud ang gasa sa pagtoo alang sa pagmugna ug matuohong katilingban. “Ang gasa sa pagtoo mitubo pinaagi sa GKK.” Bisan pa man nga ang matag usa migahin ug bahandi sa pamasahe, pagkaon ug panahon pinaagi sa pagpamati, “but the wonder of it all, gitawag natong faith…alkanes, yet ngisi gihapon, nailad mo sa pagtoo. Binugoy nga pagka istorya apan nianhi gyud ta. The same force and beauty and reality ang gasa sa pagtoo.”

Matud pa niya nga walay Simbahan nga migimok kung wala ang Eyukaristiya. “It was a people centered around the Eucharist. The Church is born out of the Eucharist. Ang Simbahan naghimog gimik para mas lami, mas attractive to revisit the very central faith – kanang gitawag natong pagtoo, mabuhi kita.”

Pipila na ka higayon nga gitandi ni Yanong Muloy ang atong “memory” diha sama sa computer. Nan, iya pung giingnan ang GKK servant leaders gikan sa lima ka parokya nga ang gisulti ni Kristo diha sa ulahing panihapon – ‘DO THIS IS MEMORY OF ME’ dili unta makalimtan.

Sa Tuig sa Kaluoy, nanghinaut si Yanong Muloy nga ang tanan makabati ug pagpangga sa maluluy-ong Amahan. “No matter what, we are LOVED. We are recipients of God’s mercy and compassion. Throuh the readings, we are fed with the right nourishment.”

Adunay mga higayon nga ang atong pamatasan ginatul-id sa Ginoo mao nang “piangan utro aron matul-id; aron buhi ang pagtoo diha sa banay, parokya o Simbahan. “Ang labing importante nga style sa Ginoo nga makopya nato – ang kaluoy sa Ginoo.”

Nanghinaut usab siya nga mamahimong sumbanan sa tanan ang kinabuhi ni San Lorenzo ug Mama Mary. “Ang Eyukaristiya sa yuta larawan sa bangkete sa langit.”

Human magpasalamat sa tanan ug sa mga kaparian nga miduyog sa kasaulogan sama nila Fr. Bongay, Fr. Jovil Peñalosa, Fr. Ritsche Gamaya, gisumada ni Yanong Muloy ang mga nindot nga gasa sa pagtoo. “Hinaut nga matandog ang matag usa nato, makit-an nato ang kamatuoran diha sa GKK. Mao na ang wisdom nganong ang pagtoo, katiligbanon, dili kini healthy kung dili mulantaw sa katilingban.”