MOPH GSL nagtuon ug “Inter Mirifica”

Gibisita sa RONDA PAROKYA team ang mga GKK Servant Leaders sa Mother of Perpetual Help (MOPH) niadtong Hulyo 17 atol sa ilang binulang pormasyon. Mao kini ang ilang mga suhestiyon: 1) Iapil ang computer literacy sa training and support services; 2) Maghatag ug Program Guide ang DXGN aron sa planong house-to-house promotion; 3) Ikanaug ang RONDA sa mga GKK aron ma promote pa ang DC Herald ug DXGN sa katilingban; 4) Isugyot sa ubang Katoliko nga naga advertise karon sa ubang newspaper ug radyo nga sulayan pud pagpa-publish sa DC Herald ug pa-advertise sa DXGN. Tapukon ang tanang sugyot aron maaksyunan dayon. Karong adlawa ang RP team anaa sa St. Joseph Parish, Sasa. Tumong sa RP nga makahimamat ang mga lideres sa GKK aron mapasabot ang “Inter Mirifica” dayon makatabang sa media apostolate sa Simbahan. Nagsugod kini Enero niining tuiga.