San Lorenzo College of Davao

Si Abp. Romulo G. Valles, DD gipangunahan ang pag abli sa bag-ong school year sa SLCD. Nia ang pipila ka puntos nga iyang gipunting sa iyang homiliya.

• “Malipayon ako nga magsaulog niining Holy Spirit Mass. Bisan tuod dili ako kanunay makaanhi, apan nasayud ako nga adunay daghang kalambuan dire sa eskwelahan, ug malipayon ako tungod niini.”
• Gani human niining maong Holy Spirit Mass, atong pagahimoon ang pagpanalangin sa bag-o nga building. Usa kini ka pagpadayag nga seryoso ug desidido gayud kita alang sa kalambuan sa SLCD.
• Lain pang timailhan niini mao nga ang atong mga seminarista nga pre-collegians, ania sila dire nag eskwela. Kung wala pa kita misalig sa SLCD, nan dili unta nato sila ipadala niining maong tulunghaan.
• Masaligon gayud kita sa SLCD. Sa mga seminarista, pagbinuutan gayud kamo.
• Alang usab sa mga ginikanan, daghang salamat sa inyong pagpadala sa inyong mga anak dinhi niining maong tulunghaan, hangyoon ko kamo nga atong tabangan kining maong eskwelahan pinaagi sa pag-imbita sa uban- bisan usa ka bata ang atong madala, dako na kining tabang.
• Ang kinauyokan sa atong tumong ug tuyo niining maong tulunghaan, ug gani sa matag Katoliko nga tulunghaan, mao ang pag-edukar sa atong mga kabataan.
• Ang edukasyon gikan sa Latin nga pinulungan “Educere” nga nagkahulugan sa Englis ug “to draw out” o ang pagpagula sa katakus sa usa ka bata.
• Sa pagkatinuod, ang Edukasyon, pormasyon usab, diin mapalambo o mapagula kung unsay anaa sa sulod.
• Kay ang matag bata gasa man sa Diyos, hinimo sa iyang dagway ug kasamahan.
• Ang atong tumong sa atong pagpaedukar kanila dili nga sila moadto sa London, o sa Canada, o sa America, o sa bisasn asa, kung dili ang langit, o ang Gingharian sa Diyos.
• Mao na nga samtang gagmay pa sila, ang mga pangandoy ug damgo sa atong kabataan, angay nga naka-ankla sa mga butang nga langitnon.
• Ang pagkat-on sa pagbasa, pagsulat ug pag-ihap, importante usab.
• Sa kadtong bata pami, wala paman ning mga high tech nga mga gadgets sama sa mga computers ug celphones.
• Ang SLCD motabang nga mogiya sa kabataan nga mamahimong maayo ug bootang anak sa ilang ginikanan ug usab anak sa Diyos.
• Ang Matematika halimbawa, dili angay magtudlo kanato sa pagpanikas (corruption) kundili aron aron maantigo kita moihap ug mo-compute.
• Ang mga ginikanan makalaum nga inig human sa iang pagtoon, na porma na usab sila.
• Mao nga mga ginikanan, ayaw kamo kaguol kung ang inyong anak moingun nga boot niyang magmisyon didto sa mga bukid-bukid nga bahin sa atong siyudad.
• Mag-ampo kita nga panalanginan kita sa Balaang Espirito, niining maong school year.
• Mamahimo untang managsama ang atong panglantaw ug atong misyon.
• Jesus would tell us that there is no shortcut to success.
• Gitapos sa Obispo ang iyang homiliya pinaagi sa pagpadaayag sa iyang kalipay ug pagpasalamat ngadto sa mga ginikan.

(Cristopher Alcayde)