‘25 Para sa Radyo ko’ gilusad

ONE IN THE PROMOTION. Partner na sa DXGN ug Davao Catholic Herald newspaper ang Holy Cross College of Sasa hilabi na sa umaabot niining 50th year founding anniversary karong Setyembre 14.

Puno sa kalipay nga gidawat sa Holy Cross College of Sasa ang team DXGN sa kinauhang Campus Tour niini niadtong Martes, Agosto 2.

Human sa Santos nga Rosaryo ug Flag Ceremony, nahimong mas makahulugan ang pag-abli sa “Buwan ng Wika” sa maong tulunghaan sa dihang nakigtagbo ang mga administrators, maestro ug maestra, estudyante sa marketing ug promo teams nga gipangunahan ni Dennis Asumbrado.

Matud pa sa Principal Sr. Florencia Mesiona, TDM, dako ang iyang kalipay sa pagbisita sa Spirit FM Team. Dugang niya nga paningkamutan sa eskwelahan nga tabangan ang proyekto sa Katolikong radyo aron makatabang sila bisan sa gigagmay nga paagi. Giaghat sa team ang kada classroom nga maghulog ug sinsilyo sa mga botelya sa mineral water aron makatabang sa pinansyal nga operasyon sa radyo.

Uban sa mga pahiyom ug pag abi-abi, dakong kalipay sa Davao Verbum Dei Media Foundation ang pakighiusa ug suporta sa Holy Cross College of Sasa. (Lord Brian Origenes)