Happy 50th Fiesta Holy Cross College of Sasa, Inc.

Gisaulog sa HCCS, Inc. ang ilang golden anniversary niadtong September 14, 2016 subay sa tema, “HCCS AT 50: JOYFULLY WITNESSING GOD’S MERCY AND COMPASSION.”

Gipahigayon sa besperas sa pista ang cultural show nga giorganisa sa activity coordinator nga si Mr. Marlon Pungcol. Malampuson ang maong programa sa pagpili sa Mutya ng HCCS diin midaug si Faith Angela Acera gikan sa college department.

Ang adlaw sa kapistahan gisugdan sa Santos nga Yukaristiya nga gipangulohan ni Bishop George B. Rimando didto sa St.Joseph The Worker Parish.

Matud pa niya, ang pagsaulog sa “Exaltation of the Holy Cross” mao ang pagpadayag sa gugma nato sa Dios pinaagi kang Kristo sumala sa sulat ni Juan (3:16).

Napasidunggan usab ang mga empleyado nga dugay nang nagserbisyo sama sa misunod: Virginia Rizada (30 years), Mario Enoc (25 years), Roquecelia Pasquito (20 years), Virginita Divino (10 years), Joy Fronteras (5 years), Mike Silva, Susan Sumaylo.

Human sa misa, gisugdan dayon ang motorcade ug banda sa grades 7,8, ug 10.

Maabtikon usab ang National Service Training Program (NSTP) nga gipangulohan ni Ms. Arianne D. Ingay sa pagtudlo sa community extension sa Del Carmen ang negosyong pangkabuhayan sa paghimo ug “pastillas.”

Dakong pasalamat na usab nila sa dugang kahibalo. Matod pa sa HRM student nga si Anthony Sebastian,” magmabungahon unta sa kanunay ang HCCS.”

Niduyog usab ang mga nangaging administrators, faculty, and staff sa “meet and greet” pagka gabii sa masadya nga variety show. Bisan pa man sa ulan, wala kini makababag sa pagsaulog sa Golden Anniversary sa HCCS, Inc. (Carmen Timario)