27 layko sa OLLP bag-ong PREX members

Beynte siyete ka parokyano sa Our Lady of Lourdes Parish ug Immaculate Conception Parish sa Mintal ang migradwar sa Parish Renewal Experience (PREX) nga gipahigayon sa Our Lady of Lourdes Parish sa Bangkal, di pa lamang dugay.

Unom sa Batch 14 gikan sa parokya sa Immaculada Conception sa Mintal. Sila nalipay sila nga nakaapil sa PREX sa Bangkal ug nangandoy gayud nga mapahigayon nila ang PREX sa ilang parokya. Matud pa sa usa kanila, “daku ang among kalipay nga gipaapil mi sa PREX diri sa Lourdes bisan taga Mintal mi; maghinaut mi nga mapahigayon namo kini sa among parokya ug makakabig kami’g daghan sa among parokya.”

Ang 21 nga gikan sa Our Lady of Lourdes Parish sa Bangkal andam pod nga ipakaylap ang PREX sa ilang tagsa-tagsa nga mga GKK.

Ang ilang napiling Presidente mao si Ate Mary Jane Jungoy ug ang  Vice-president si Kuya Salvador Badilles. Ang ilang Secretary mao si Kuya RJ Duran, ang Treasurer mao si Ate Ofelia Bautista, ug ang Auditor mao si Kuya Leonel “Gaga” Sejas. Ang kalampusan sa seminar sa Batch 14 giandam sa pag-atiman sa Batch 13 nga gipanguluhan ni Kuya Don Lallen.

Ang mga bag-ong graduates apil na sa pagpangandam sa PREX-Bangkal Family Day karong Oktubre 30, adlaw’ng Dominggo, diin saulogon ang ika-8 nga anibersaryo sa Santa Cruz Gym sa Central Park, Bangkal.

Ang maong selebrasyon gipangulohan sa PREX Bangkal Coordinator nga si Kuya Ruben Sumagang ug sa iyang Assistant Coordinator si Kuya Al Rabanes, inubanan sa panalangin sa OLLP kura paroko, Fr. Dexter Veloso. (Vonz M. Hijada | OLLP SoCCom)

No Comments

Post A Comment