Batang Lumad, nag ampo alang sa mga magtutudlo

Ang batang si Ivy Unad, gikan Obo Manobo tribe ang miabli sa kasaulogan sa National Teacher’s Month niadtong Setyembre 30 diha sa Martin Hall sa Ateneo De Davao University campus. Uban niyang miampo ang usa ka Imam ug magtutudlo. Kini nga selebrasyon dungan nga gisaulog sa Luzon, Visayas ug Mindanao aron pasidunggan ug pasalamatan ang mga magtutudlo.

Mitambong sa panagtapok ang tanang DepEd Regions sa Mindanao nga gilangkuban sa mga teachers, school heads, principals, district supervisors, division supervisors, division superintendents, regional supervisors, ug regional directors sa Region IX, Region X, Region XI, Region XII. ug CARAGA Region.

Human sa pag-ampo, mga presentasyon sa mga estudyante, ug uban pang guests ang milingaw sa tanan. Lakip usab sa programa ang mga mensaheng gihatag nila DepEd Undersectary Dina Ocampo, Sec. Melchor Quitain, ug DepEd Sec. Eleonor Briones (pinaagi sa video presentation), ang Metrobank Outstanding Teacher nga gikan sa General Santos City, ug ang Bato Balani Awardee nga si Randy Halasan.

Nagpakita usab sa mga talento ang mga magtutudlo pinaagi sa cheerdance competition ug “Teachers Got Talent” by Region. Nagpakita sa kahawod ang mga magtutudlo pinaagi sa pagsayaw, pagkanta, pagdrawing, pag rap ug pagpakatawa.

Nakadawat usab ang tanan ug pahalipay sama sa raffle draw awards, ug uban pang freebies gikan sa nagkalain-laing sponsors.

Dakong kalipay ang nabati sa mga magtutudlo sa adlaw nga gigahin kanila subay sa temang, “Guro Kabalikat sa Pagbabago: My Teacher, my Hero.” (Loren May Lahoy Lahoy | SPCP SoCCom)