HCCSI nagpahigayon ug Sexual Harassment seminar

Ang symposium “Sexual Harassment and Gender Sensitivity” gipahigayon sa Holy Cross College of Sasa Inc. niadtong Nobyembre 17,2016 sa hapon sa school gymnasium.

Gipangulohan ni Ms. Reyna Grace Oreta ang Technical Officer International Gender Development Division City nga nahimutang diha sa Mayor’s Office, ang clinic nurse nga si Mrs. Erlinda Cana gipaningkamutan nga makatambong ang tanang college students.

Nalipay sila sa ilang nakat-unan kay nakakita usab nila sa video presentation kabahin sa dignidad ug respeto sa tawo nga biktima niining kahimtanga.

Matud pa sa BSED students nga sila Joan Gamutan, ” Dili jud angay nga mo bi-ay-bi-ay kanila” ug si Janice Rios usab nagkanayon nga “ato jud diay ilhon kung sexual harassment ba kini o dili.” Kadaghanan kanila nagsulti nga sa gender sensitivity, ipakita ang respeto sa katungud ug likayan ang paghusga.

Gipakita usab ang video sa “Impossible Dream” nga nakapatandug pag-ayo kanila.

Kahinumduman nga sa miaging semester, HIV symposium usab ang gipahitabo. Kini kabahin sa information dissemination sa eskwelahan aron makahibalo ang mga estudyante sa mga isyung mamahimong sila ang mabiktima. (Carmen Timario | HCCSI correspondent)