‘PM Sisters at 220: Sustained by God’s Mercy’

Gisaulog sa Sisters of the Presentation of Mary ang kapistahan sa Presentation of Mary in the Temple, sa Saint Peter’s College of Toril, niadtong Nobyembre 21. Subay sa tema, “PM Sisters at 220: Sustained by God’s Mercy”, ang maong selebrasyon gitambungan sa mga maestra ug mga PM sisters sa St. Peter’s College of Toril gikan Grade School hangtod College, mga piling meastra ug PM sisters sa St. Michael School of Padada, Holy Cross College of Calinan, ug Marie Rivier Associates.

Gisugdan ang selebrasyon pinaagi sa pagsaulog sa Santos nga Misa nga gipangulohan ni Abp. Romulo G. Valles, DD. Sa homiliya, gihatagaan niya ug bili ang pagka-inahan ug pagka-rayna sa Mahal nga Birhen Maria.

“Busa, isip mga sumusunod ni Kristo, angayan lamang nga atong hatagan ug pahinungod si Maria, kay pinaagi niya – sa iyang pagkamasinugtanon sa Diyos – natawo ang atong Ginoong Hesukristo,” matud pa sa Obispo.

Human sa misa, nagsalo salo ang mga partisipante sa Agape lunch nga giandam sa St. Peter’s College of Toril. Makita gayud ang kahiusahan sa mga maestra gikan sa nagkalain-laing mga tulunghaan nga gidumala sa PM sisters. Nagpasundayag pa gani sila pagkahapon ug ethnic and modern dances, apil na ang mga magtutudlo gikan St. Michael School of Padada.

Highlight sa maong programa ang launching sa Philanthropic Development Office ug ang renewal of vows sa Sisters of the Presentation of Mary. Natapos ang programa ug nalipay ang tanan. (Jeffren Miguel | SFDA SoCCom)

No Comments

Post A Comment