Billings Ovulation Method padayon nga gitudlo

Gipahigayon niadtong Dominggo ang Natural Family Planning seminar sa San Pablo Parish nga gitambungan sa mga miyembro sa Family Life Apostolate sa maong parokya, apil sab ang mga taga San Isidro Labrador Parish, Skyline ug Our Lady of Lourdes Parish, Bangkal.

Tumong sa seminar nga matudluan ang mga miyembro sa Natural Family Planning method aron ila kining matudlo sa mga miyembro sa ilang GKKs.

Matud pa ni Lilia Aventurado, sekretarya sa Archdiocesan Family and Life Apostolate , nga tulo ka tuig na kini sukad gisugdan ni Fr. Orly Angelia ang Director sa FLA. Sa pagkakaron dili pa tanang parokya ang adunay Natural Family Planning Clinic.

Gitudluan ang mga partisipante sa Billing Ovulation Method. Kini nga method naga tudlo sa mga magtiayon kanus-a fertile si misis bisan pa ug irregular ang iyang menstrual cycle o regla. Matud pa,mao sab kini ang pinaka nindot,pinaka-epektibo,ug pinakasafe nga paagi sa pagplano sa pamilya,labaw sa tanan mao lang kini ang ginauyunan sa simbahang Katoliko. Gipanghinaut sa partisipante nga sila makaat-on ug maayo niining Natural Family Planning aron ilang maaply ug matudlo sa uban. (Manilee Araune)