ADDU nagpahigayon ug press con una ang peace talk

Ang Ateneo de Davao University- University Community Engagement and Advocacy Council (UCEAC) ug Institutional Communications and Promotions Office nagpahigayon ug press conference, Disyembre 12, sa Pakighinabi Room, Ricci hall.

Mitambong sa maong konperensiya ang tulo ka miyembro sa GPH peace panel nga sila si Atty. Angela Librado, Atty. Rene Sarmiento, ug Atty. Antonio Arellano.

Matud pa ni Atty. Sarmiento “We are on track, we are looking forward for the January Peace talk between the government and the National Democratic Front.”

Nahisgotan una ang pagpagawas sa mga political prisoners diin matud pa, nanginahanglan ug taas ug legal nga proseso sa konseho. Ginalihok na sa mga panelists ang rekomendasyon sa pagpagawas kanila. Ikaduha, gihisgutan ang bilateral ceasefire agreement arun maundang na ang daghang pagpamatay sa nasud Pilipinas. Ikatulo, socio-economic reforms, constitutional, political reforms, ug uban pang mga kontrobersyal nga isyu istoryahan sa muabotay nga 3rd round nga Peace talk karong Enero.

Magpadayon ang midya sa pagsubay sa katikaran nga matud pa daku ang tabang sa pagkuha ug suporta sa publiko.