Kasaysayan sa Virgen Delos Remedios Parish

Crossing Bayabas, Toril

Niadtong tuig 1948, ang magtiayon nga si Mr. and Mrs. Joaquin ug Tomasa Betonio, midala sa imahen sa Mahal nga Birhen Maria nga mao ang Virgen delos Remedios gikan sa Buntok Hindang Leyte sa Crossing Bayabas,Toril, isip usa ka family devotion.

Niadtong Pebrero 2, 1949 natukod kini nga usa lamang ka Gagmay’ng Kristohanong Katilingban (GKK).

Pinanguluhan sa unang mga PSK niini sulod 2009-2011 nga sila Faustino Morales, dayon nila Daniel Evangelio, Eduardo Cerdenia, Sabas Sayon, Luis Yuson, Regino Paclar, Bolivar Adlawan, Leonardo Quilos Sr., Dolores Manubay, Salvacion Adlawan, Bonifacio Danio, Elene Mabano, ug Mrs. Modesta Danio, ang GKK sa Virgen delos Remedios nahimo na gayud nga parokya.

Rason niini mao nga aron maatiman ang katawhan ilabina sa pagdawat sa mga sakramento ug sa uban pang buluhaton nga ang pari ra gayu’y makahimo. Gipamatud-an kini sa ilang mga pirma (signature campaign) mao nga nahitabo gayud ang pagtukod sa parokya sa Virgen delos Remedios. Ang instalasyon nahitabo niadtong Marso 14, 2011.

Nahimo kining parokya atol sa Santos nga Misa sa atong Arsobispo Emeritus sa Dabaw nga si Arsobispo Fernando R. Capalla, D.D.

Ang unang kura paroko niini hangtud karon mao si Reberendo Padre Johnny A. Autida. Karong umaabot nga Marso 14, 2017 pagasaulogon ang ikaunom ka tuig isip pagkahimo niining nga parokya (foundation). (Lilibeth Sancover | VDLRP SoCCom)