San Antonio Bible Symposium

Bible Symposium gipahigayon sa San Antonio

San Antonio Bible SymposiumAng National Bible Sunday karong tuiga gisaulog sa San Antonio de Padua, Agdao, pinaagi sa pagpahigayon sa Bible Symposium niadtong Domingo, Enero 29,2017, sa St. Mary’s Hall.

Ang Catholic Faith Defenders, Agdao, ug ang Parish Bible Apostolate ubos sa pagdumala sa Formation Ministry mao ang nagpasiugda ug nagpahimutang sa maong kalihukan nga gilangkuban sa Bible Enthronement ug pagtuki sa mga topiko sa History of the Bible, Canon of the Bible, ug Bible as the Word of God.

Ang kapin 50 ka partisepante nadungagan pa ang kahibalo sa Biblia sa gipahigayon nga Bible Quiz diha sa ulahing parte sa programa. Ang mga midaog mao ang sona 5, 3rd prize; sona 4, 2nd prize; sona 9, 1st prize.

Mao pa kadto ang pinaka-una nga ilang napahigayon sulod sa selebrasyon sa Bible Sunday. Busa, ang Formation Ministry nanghinaot nga ang mosunod nga kalihukan nga sama niini makadani sa uban pang parokyano sa pag-apil. Kini makatabang sa ilang pagsabot ug pagdawat sa kabililhon sa Bibliya sa ilang tagsa-tagsa ka kinabuhi ug sa kinabuhi sa ilang mga GKK. (Elena Corazon Mozo | SAP SoCCom)

No Comments

Post A Comment