San Antonio de Padua Pilgrimage Mass

Matag tuig ang parokya sa San Antonio de Padua nagapahigayon og Pilgrimage ngadto sa tanang GKK nga nahisakop niini. Isuroy ang imahe ni San Antonio de Padua sa matag sona ug sulod sa 9 ka adlaw novenahan kini. Sa ikanapulo nga adlaw mao ang Santos nga Misa. Nagsugod ang maong pilgrimage niadtong Enero 9 sa Zone1 (Brgy. Lapulapu) ug pagka Enero 18 mao ang Santos nga Misa nga gipangulohan sa among Padre Kura nga si Padre Toto España. Kini nga buluhaton nagsugod niadtong 2013 sa pagsaulog sa parokya sa golden anniversary niini. Ug hangtud karon nagpabilin ang maong buluhaton subay sa mando sa among kura paroko. Karong tuiga, ikalima na ka tuig sa pagbuhat sa maong buluhaton. Matud pa ni Padre Toto nga kining buluhaton nahisubay sa pagsaulog karong tuiga sa Tuig sa Parokya, isip nagkahiusang katilingban. (Gary Guivencan | SAP Agdao)