GERT sa Buhangin

GERT Orientation sa BuhanginGipahigayon ang GKK Emergency Response Team (GERT) orientation meeting sa mga GERT in-charge nga nahisakop sa mga GKKs sa St. Mary of the Perpetual Rosary Parish, kaniadtong Pebrero 19.

Kwarentay uno (41) ka partisipante ang nitambong nga gilangkuban sa 39 ka GKK. Ang naghatag og pagpasabot mahitungod sa Disaster Risk Reduction Management mao ang Parish Social Action Ministry (PSAM) Coordinator, Joel Corage. Dinhi gipasabot ang kaimportante sa GERT kon moabut ang kalamidad diha sa ilang katilingban ug palibot niini.

Nagmalampuson ang orientation pinaagi sa pagpahimutang sa Parish Disaster Awareness Response Team (PDART) coordinator, Arsenia Piamonte ug sa makanunayong suporta sa Kura Paroko, Fr. Jess Samaniego. Kini sinugdanan lamang sa pagpakusog sa kalihukan sa PSAM mahitungod sa disaster risk deduction nga gilatid sa PSAM core group diha sa 2017 Plan.
Aduna pay ipahigayon nga orientation seminar alang sa GERT in-charge karong umaabot nga Marso 19 ala 1:00 hangtod alas 5:00 sa hapon sa St. Mary Parish Sports for Peace and Livelihood Training Center. (Hermie Mapute | SMPR Parish SoCCom)

Post Your Thoughts