Historical landmarks sa Dabaw, giparada

Atol sa pagsaulog nato sa ika-80 ka tuig sa Dabaw niadtong Marso 16, miparada ang mga nagkalain-laing kompanya, establisyemento, eskwelahan, pribadong grupo ug uban pang sangay sa gobyerno diha sa kadalanan sa Magsaysay paingon sa Rizal Park.

Nagsugod ang parada alas siyete sa buntag ug nahuman kini alas dos na sa hapon. Pito ka oras kini tungod sa kadaghan sa mga nakigduyog luyo sa ulan sayo sa buntag.

Kahinumdumang ang Parada Dabawenyo usa sa mga ginapaabot sa mga manan-away.

Pipila sa highlights mao ang floats diin makita ang kasaysayan ug mga kadaugan sa syudad sama sa City Hall ug sa 911. Gikahinaman usab ang Mutya ng Dabaw 2017 winners.

Nagmalinawon ug malampuson ang maong selebrasyon. Gideklarang holiday sa syudad Marso 16 ug 17. (Brian Roldan, UM intern)