Fr Perseus Gonzales (Photo from Bebing Salutillo | FB)

Kamatayon ni Fr. Perseus milanog sa tibuok Dayosis sa Digos

Fr Perseus Gonzales

(Photo from Bebing Salutillo | FB)

Alas otso kuwarenta sa gabii niadtong Marso 13, 2017, gideklarang patay si Fr. Perseus Gonzales, DCD sa Dominican Hospital, Digos City. Siya mao ang sharer sa usa ka recollection kauban sa San Isidro vicariate priests nga sila si Fr. Bong Gallopin, Fr. Cornelio Toraja, Fr. Boy Monroid, Fr. Bert Lagos and Bishop Jimmy Afable, DD didto sa San Isidro Convent.

“If a man marries the right woman, he is complete. If a man marries the wrong woman he is finished.” Mao kini ang gipaambit nga joke ni Fr. Perseus sa usa kuno ka contest sa una nga makatubag sa kalainan sa “complete” ug “finished.”

Sabay sa pagpangatawa sa mga pari, mitindog ug nilakang sa makatulo ug pagkahuman natumba siya. Gidala siya sa hospital ni Fr. Boy Monroid ug Fr. Bong Gallopin kauban si Bishop Jimmy ug usa ka seminarian nga si Jonel Paquibot ug sa pipila ka mga minuto, nakurat ang tanan sa iyang kamatayon.

Fr. Perseus "Ping" GonzalesFr. Perseus Gonzales, 21 years sa pagpakapari, 6 ka tuig nga nangalagad sa Parokya sa Hagonoy ug 15 ka tuig sa seminaryo mibalik na sa kamot sa Amahan.

“Ang kinabuhi sa tao dili matagna, bisan asa, kanus-a ug bisan kinsa, walay gipili bisa’g pari. Ang pagkamatay ni Fr. Ping usa ka hulagway nga ang tao Gikan sa Diyos mubalik sa Diyos. His death is complete for he died at the right time. Sa kadaghang higayun, nganu man nga sa recollection?” Mao kini ang pamalandong ni Fr. Rogelio Albite sa tribute diha sa usa ka vicariate prayer vigil.

“Ang uban miingon malas ang 13 unya uban sad lucky 13… pero sa simbahan we celebrate it with the 13th day of the apparition of the BVM of Fatima,” ang giingon ni Bishop Jimmy sa iyang homily sa welcome mass sa San Isidro Labrador, Hagonoy niadtong Marso 14, 2017.

Sa funeral mass, si Bp. Afable miingon nga maayo ug matarong siya nga pari ug unta maliwat daw ang tanang kaparian niya apil na ang Obispo. (Rhizter Rafaela Cedeno)

No Comments

Post A Comment