DXGN nagcover sa mga GKK Fiesta

Human sa mga hangyo nga nadawat sa istasyon, gisugdan na ang Live Coverage (on-air ug online) sa mga GKK.

Nahitabo ang una sa GKK San Vicente Ferrer sa Mulig niadtong Abril 5, dayon sa ika-18 nga kapistahan sa GKK San Vicente Ferrer, San Vicente Heights, St. Francis of La Verna Parish niadtong Abril 8, 2017.

Sa wali ni Fr. Junar dela Victoria, ang kura paroko sa La Verna, gipasalamatan niya ang mga pioneer sa pagtukod sa kapilya.

Matud pa niya nga nabatasan na nga pangitaon ang mga pioneers sa paglambo sa usa ka lugar sama na lamang sa GKK: “milambo siya (GKK) sa makadaghan, ang Pangulo sa kabatan-onan ania dinhi apil na usab ang PSA, PSL, ug uban pang lectors, altar servers. Paspas kaayo ang growth physically. Regular na ang misa dinhi.”

Paminawa ang pamalandong niya sa Ebanghelyo ni San Juan (Jn. 11:45-56), sa DXGN 89.9 Spirit FM-Davao Facebook Page (Full Fiesta Mass Coverage). I-share ang video aron mas daghan pa ang makadungog ug mabendisyunan. @dcherald