Palm Sunday in City Jail Palm Sunday in City Jail. (Marian Carmela Raquel)

Palm Sunday Photos

Agdao Palm Sunday

BENDITA SA LUKAY, AGDAO. Ngitngit ug ang suga sa mga poste ang nagdan-ag sa dalan padulong sa Simbahan. Mitultol ang mga magtotoo niining dalan aron sa paghinumdom sa mahimayaong pagsulod ni Kristo sa Jerusalem ug sa kaluwasan sa katawhan. Ang Bendita sa Lukay ang unang adlaw sa Semana Santa ug ang adlaw usab nga gigahin sa 163 ka mga Pangulo sa Liturhiya sa Parokya sa San Antonio de Padua, Agdao alang sa pagbag-o sa ilang panaad sa pag-alagad sa katawhan sa Diyos. Giagni sa ilang kura paroko, Padre Toto España, ang mga parokyano sa paghinumdom sa makaluwasnong gugma sa Ginoo. “Malumo nga giangkon ni Kristo ang atong mga sala aron kita maluwas. Dili pa ba kini igo aron kita magbag-o, aron makita nato ang atong mga sala ug sa hinay-hinay magbag-o kita?”, ang mabinationg pagpahinumdom ni Padre Toto. Dili lang alang sa mga PSL ang tawag sa pagpasaylo. Ang pagpasaylo sa kalapasan sa usa’g-usa ang angayan nga buhaton karong panahon sa Kwaresma ug sa matag adlaw aron ang tawo makabalos sa gugma sa Ginoo nga iyang gipakita diha sa pagpasakit, pagkamatay, ug pagkabanhaw ni Kristo. (SAP SoCCom)

Mary Help of Christians Dacudao

Palm Sunday Procession, Mary Help of Christians Parish, Dacudao, Calinan, April 9. (Honey Kaye Etdang | MHCP SoCCom)

St Jude Palm Making

Madasigon ug malipayong naghimog mga krus nga lukay o “palaspas” ang mga PSA-Caritas volunteers sa St. Jude Thaddeus Parish nga gigamit sa Bendita sa Lukay (Palm Sunday), April 9, 2017. (Ester Florece | Nanette Toribio, SJP SoCCom)

St Francis La Verna Fr Randy Baluso

Nagpadayon ang Parish Satellite Masses sa mga GKK nga sakop sa St. Francis of Assisi Parish – La Verna; 1st ug 3rd Sundays sa St. Vincent Ferrer GKK sa St. Vincent Heights Subd., 2nd ug 4th Sundays sa Christ the King GKK sa Communal ug sa matag Dominggo alas 9:00 sa buntag ang Sto. Nino GKK – Diamond Village, ug sa St. Joseph the Worker GKK sa Davao Empress Subd. Panacan. Malipayon ang mga parokyano nga nagsaulog sa misa kay nagsugod kini sa pagbendita sa mga lukay. Ang mga membro nga duol sa mga GKK o sakop sa GKK nga adunay Satellite Masses dli na maglisod sa pagtambong ug dili na maghunahuna pa ug pamasahe kay igo ra kining lakwon ug makatambong na sa misa. Salamat sa among Kura Paroko nga si Fr. Junar dela Victoria nga maoy nag initiate sa maong programa sa among parokya. (Sylvia Gamaya Orbeta | SFP La Verna Soccom)

Palm Sunday Lumondao2

Duha ka gatus ug saysentay nuwebe (269) ka mga Pangulo sa San Isidro Labrador Parish, Lumondao partikular na ang mga Pangulo sa Liturhiya, Panudlo, Kristohanong Banay, Nutrisyon, Karitas, Secretarya, ug Pangulo sa mga Batan-on ang miapil sa GSL Lenten Recollection. Gisundan ug pagbag-o sa panaad sa ilang pagpangalagad inubanan ni Rev. Fr. Edsel J. Paloma ug Rev. Christopher Alcayde. (SIP Lumondao SoCCom)

Palm Sunday Lumondao

Osana sa Anak Ni David! Impunto alas 6:30 buntag niadtong Abril 9, gisugdan ang Pagsaulog sa Bendita sa Lukay dinhi sa Parokya ni San Isidro-Lomundao, sa panguna ni Fr. Edsel ug Rev. Christopher Alcayde. Malipayon ang katawhan sa pagsaulog sa maong selebrasyon. Misunod dayon ang Santos nga Misa ug ang pagbasa sa Pasyon sa atong Ginoo. (SIL Lumondao SoCCom)

Palm Sunday in City Jail

Palm Sunday in City Jail. (Marian Carmela Raquel)

Save

No Comments

Post A Comment