Pari: Batonan ang kinabuhi ni San Vicente

Subay sa 17th fiesta celebration, ang mga parokyano sa Sr. San Vicente Ferrer, Basiawan mipahigayon sa Grand Socio-Cultural Night sa Barangay Basiawan Gymnasium, Sta. Maria, Davao Occidental niadtong April 2, 2016 sa gabii.

Usa kini sa mga aktibidad nga gihan-ay sa Parish Pastoral Council mao inubanan sa among Parish Priest nga si Rev. Fr. Dante E. Gorgonio, DCD.

Subay sa tema, “Kinabuhi diha sa parokya uban ni San Vicente Ferrer,” gipakita sa mga miapil ang ilang mga talento. Apil sa programa ang mga nagkalain-laing nga mga apostolado sa Simbahan ug mga sona sa Brgy. Basiawan Council nga sakop sa parokya.

Mensahe ni Fr. Gorgonio nga tagaan ug importansya ang kinabuhi ni Sr. San Vicente nga usa ka bantugan nga magsasangyaw; nga ang tanan unta mabatonan kini. Matud pa niya, dako ang iyang pasalamat sa mga lumilihok sa simbahan ug sa mga parokyano nga nagtinabangay alang sa kalampusan sa maong aktibidad. Nagpasalamat sab siya sa mga tao nga walay puas ang suportang gipakita alang sa kalambuan sa parokya.

John Fernan B. Rosario | PYC
San Vicente Ferrer Parish Basiawan
Basiawan, Sta. Maria, Davao Occidental