Mary Help of Christians Parish: SALT Camp nagmalampuson

Nagpahigayon ug Salesian Leadership Training Camp (SALT Camp) ang Salesian Youth Movement (SYM), Philippine South Province didto sa St. Joseph Retreat House, Dahican, City of Mati, Davao Oriental, niadtong Abril 25-28, 2017. Ang tigum giapilan sa duha ka Salesian Communities dinhi sa Mindanao nga mao ang Mary Help of Christians Parish – Dacudao ug Sacred Heart of Jesus Parish – Mati. Matud pa ni Eduardo Empelis, Jr., ang Senior Youth Leader SYM core-fis nga gikan pa sa Cebu. Tumong niining maong training ang pag expose sa mga Salesian Youth Leaders sa komunidad pinaagi sa responsableng pagserbisyo, aron makabalo unsa ang mga isyu sa komunidad nga nagkinahanglan ug mga solusyon, magamit ang mga pagtulon-an kon preventive system ni St. John Bosco nga mao ang reason, religion ug loving kindness. Ang SALT camp usab alang sa mga Salesian Youth Leaders aron sila makakat-on nga mahimong mas responsable sa paglihok sa ilang grupo ug diha usab sa ilang komunidad pinaagi sa Salesian Spirituality nga mao ang Daily Life, Friendship with Jesus and Mary, Communion with the Church, Joy and Optimism, Responsible Service (Daily of Cors). Nahuman ang activity nga puno sa kalipay ug kadasig sa mga Youth Leaders nga nangapil sa training. (Jonah Somogod | MHCP SoCCom)