Titang supportive

Rev. Jul Elden D. Nuique, a man who committed himself for others to give glory to God without seeking for honor nor glory for himself, called to be His servant inspiring men to pray, consoling the sorrowful and comforting the sick, and reconciling men to God. Ania ang istorya sa usa ka auntie kabahin sa kaagi sa iyang pag-umangkon. Hinaut kini maka inspire hilabi na sa mga kapamilya sa mga nag alagad sa Simbahan.

Dear KNOT,

“Called among the many, chosen to be His own. Willing to sacrifice out of comfort and pleasure that the world can offer.” Mao kini ang mga linya sa kanta sa komposisyon ni Rev. Fr. Diony C. Tabiliran ug gihimuan ug awit ni Fr. Amy Salvador nga gititulohang, “The Chosen One”.

Tinuod, dili jud nato matagna ang kabubut-on sa Dios alang kanato. Ang akong maguwang nga si Estela wala pud magdahum nga moabut na niining punto nga ordinahan na pagka diyakono ang iyang anak nga kamagulangan nga si Jul Elden D. Nuique.

Gianak dinhi sa Davao City, gibunyagan siya sa St. Joseph The Worker Parish, Sasa. Karon, Rev. Nuique na siya.

Ang bokasyon sa pagkapari, nakalinya ba kaha sa atong pamilya?

Sa akong nasaksihan, aduna akoy ig-agaw nga pari sa side sa tatay nako sa Manila. Gani akong manong, pagkapari sad ang gusto niyang bokasyon, apan sa kakulian, kami iyang giatiman.

Namatay si manong Julius nga gipili ang bokasyong “single blessedness.” Sa mahinumduman ni Estela, naghisgut iyang anak nga magpari niadtong nasa hasykul pa siya. Nagkinder hangtud grade 4 siya sa Colegio San Agustin sa Dasmariñas Village, Makati, nag hasykul sa Ateneo de Manila, ug nagtapos sa kolehiyo sa kursong Bachelor of Science in Business Management sa Philippine School for Business Administration, Quezon City.

Tuod man, kauban na siya sa pagmanage sa handicraft business sa ilang pamilya. Dili lang dinhi natapos ang iyang kalihukan. Piyanista sab siya sa ilang simbahan sa Sto. Niño de Prague, Cogeo ug gipadayon ang namugnang choir group.

Gikawilihan si Rev. Elden sa mga parokyano ilabina nga nasayran nilang mopadayon siya pagtuon sa seminaryo. Misulod siya sa Holy Apostles Senior Seminary sulod sa San Carlos Pastoral Complex, Guadalupe, Makati. Lima ka tuig siyang nagserbisyo sa pagdumala sa ilang negosyo, apan aduna pa jud siyay gipangita sa kaugalingon — ang pagsulod sa seminaryo.

Sa iyang desisyon sa pagbiya sa ilang negosyo, tibuok suporta ang gihimo sa iyang pamilya. Bisan pa man sulod sa seminaryo, nagpadayon ang pagka aktibo niya sa mga kalihukan sulod sa seminaryo. Sulod sa 7 ka tuig, niabut ra ang adlaw sa iyang diaconal ordination sa Sto. Niño de Prague Church, niadtong Mayo 13.

Dili masukod ang iyang pasalamat sa Dios Amahan sa gasa ug grasya sa bokasyon nga iyang naangkon karon.

Niining higayona, nagserbisyo siya sa Antipolo Cathedral sa iyang pagkadiyakono.

Isip tita, magpadayon ako ug sa akong pamilya pag-ampo sa kalampusan sa iyang pagkapari ug nagaampo kanunay sa umaabut pang pagsulod sa bokasyon sa pagkapari. – Carmen Timario

* * * * * *

Thank you Carmen. Until next kwentuhan, higala!