‘Kamo ang Asin ug Kahayag’

Excerpts from the homily

‘Grabe ning Agdao oie, bibo kaayo!”, pasiuna ni Abp. Valles sa iyang wali atol sa ika-54 nga kapistahan sa San Antonio Parish, Agdao, niadtong Hunyo 13 nga misa, alas 5 sa hapon.

“Si San Antonio de Padua, popular kaayo siya. Mainstay gihapon ni ba, kung sa basktebol pa, muduwa pa gihapon ni. Mahal nato siya kay ato siyang gipili nga model dinhi sa katilingban sa Agdao,” matud pa niya.

“Kini ang pipila ka pamalandong gikan sa ebanghelyo kinutlo gikan ni San Mateo. Una gikan sa usa ka istorya, gipa eskwela mi sa Roma ni Bp. Tonel. Nangadto mi sa Venice. Daghan siya ug attraction, s’yudad sa mga canal. Sakay mi sa train nga baratuhon gikan sa Roma within four days,” saysay niya. Nakamatngon sila nga muagi man diay sila ug Padua, ang lungsod ni San Antonio. Busa, gipangita nila ang basilica ni San Antonio. Padulong na sila sa iyang lubong, habog. “Sa nagkaduol na mi, mura mi ug nahilum kay mabati nimo ang pagka santos. Kami tanan, nangahilum mi didto. Hikap mi didto,” ingon ni Yanong Muloy.

“Karong adlawa tingali, back to the basic. Siguro ang usa ka hagit natong tanan, triggered by San Antonio ang tawag sa pagka balaan, maskin di ta kabalo muwali, pero pagduol ba, mura ug masimhutan nimo nga buotan kaayo nga tawhana. Kanang iyang kauban nga si St. Francis of Assisi miingon nga, go and preach, proclaim Christ, if necessary use words. Pagduol namo, makahinumdum mi sa among sala. Kami nakahinumdum sa among pagka pari tungod kay ang mindset namo, turista.”

Dugang pa niya: “Makahinumdum unta ta sa atong pagka binunyagan, pagka katoliko. Atong tinud-on ang gasa sa pagkabinunyagan. Mao na ang unang pamalandong sama niining gihimong wali karon.”

Tulo ka pamalandong ang iyang gibilin: “Una, reminder nga bisan kita tanan, duable kaayo, sa kinabuhi, ang dating, diosnon ug balaan. Ikaduha nga timaan o spiritual food gikan sa Sulat ni San Pablo ngadto sa taga Corinto, ingon nga matinud-anon ang Diyos, ang gisaad ko kaninyo, dili kaduha duhaan…ingon ni San Pablo, bantayi, ang Diyos nato, kasaligan g’yud. Ayaw kabalaka. Bisan lisud kuhaon ang style sa Ginoo. He is constant, kasaligan, stay put. Sige lang gyud, sunod lang gyud kay ang Ginoo, magauban kanimo.”

Nag istorya sab siya sa kasinatian sa usa ka “African woman who experienced unbelievable pain, nga gihurot iyang bana ug mga anak, unya not only that, kahibalo g’yud sya, ang nagpatay, puti. Ang puti pud, ning angkon pud nga siya ang kriminal. Gipangutana ang babae, very Christian, Catholic, gipangutana. Karon ning angkon man siya nga s’ya nagpatay, unsa may buot nimong buhaton niya – kini ang akong pangayoon niya, usa ka bulan, mag andam ko ug nindot nga panihapon sa akong balay, gusto ko magdungan mi ug panihapon. Imbitaron nako sya. Talagsaon. Kanang atong lihok karon, anchored ba na sa ipahimo sa Ginoo sa ato, come what may. Ang timaan sa pagkabalaan, to be faithful to the very faithful God maskin many times, di nato magets ang iyang style. Kay kung sayon pa, overcrowded ta sa langit.

Ikatulo nga konsiderasyon, niingon ang ebanghelyo, kamo ang ASIN sa kalibutan. Kamo ang KAHAYAG sa kalibutan. Ang atong influence o dating unta, murag ASIN ug mura ug KAHAYAG. Ang bulalo kung lami, di man matagad ang asin apan kung dili lami, muingon kita, kulang ug asin. Asin kita nga mupagula sa kalami sa uban, kita set aside kanunay, walay recognition, thankless job.”

Panapos ni Yanong Muloy: “Kamo ang KAHAYAG sa kalibutan. Hinaut sama sa ASIN inig pasiga nato sa ADLAW, musiga ta, aron ang uban makakita sa gasa, unya kita kalimtan lang ta, sa kilid lang ta, light lang ta. May our pagkabalaan, mahimo nga ASIN kita ug KAHAYAG sa katilingban. Muduol ta sa tinuod nga tuburan sa kabalaan nga mao ang atong Ginoo niining Santos nga Eyukaristiya. Matandog unta ang atong kasingkasing, pagtoo diha sa dalan sa kaluwasan. Viva San Antonio, Viva!”

No Comments

Post A Comment