Parish SoCCom opisyal nang gisend forth

Human sa duha ka tuig nga pormasyon ug paghanas sa pagsulat, pagbroadcast, ug pag organisa sa GKK Social Communications Committee (SoCCom) gi send forth na niadtong World Communications Sunday, Mayo 27 ang napili sa ilang kura paroko nga Parish SoCCom Coordinators ug members. Una ang Eyukaristiya, gimaymayan sa sila sa kahalangdon sa pagdawat sa misyon sa pagsangyaw sa Maayong Balita pinaagi ni Sean Patrick-Lovett, Vatican Director for English Programming. Dayon nag meeting sab sila pagkahapon atol sa binulang pormasyon. Human sa tibuok adlaw nga aktibidad sa Rivier Retreat House, dayong gidala na sila sa taping sa TV Mass diin mismong si Arsobispo Romulo G. Valles, ang nagpadala kanila. Mapasalamaton ang Davao Verbum Dei Media Foundation, Inc. sa tanang misuporta hilabi na kang Arsobispo Valles, sa mga kaparian, sa Association of Pauline Cooperators-Pious Disciples of the Divine Master, mission partners, ug sa tanang nanambong sa talagsaong kasaulogan. Ang mga gipadala magpadayon na sa ilang misyon sa pagtabang sa pag organisa sa ilang GKK SoCCom ug pagtabang alang sa kalambuan sa Davao Catholic Herald newspaper ug DXGN 89.9 Spirit FM. (Photos: Bella Sarenas | Alvin Hondos)

There are 2 comments

Post Your Thoughts