Batan-on sa Immaculada Concepcion GKK-Baguio nagtapok Mga batan-on sa Immaculada Conception GKK sa Getting to Know You activity.

Batan-on sa GKK Immaculada Concepcion nagtapok

Batan-on sa Immaculada Concepcion GKK-Baguio nagtapok

Mga batan-on sa Immaculada Conception GKK sa Getting to Know You activity.

Pagkahuman sa epektibong “Home Visitation” sa matag pundok banay nahitabo ang maong General Meeting sa mga batan-on.

Nagkahiusa ug nagtapok ang mga batan-on sa Immaculada Concepcion GKK-Baguio alang sa ilang general meeting niadtong Hulyo 16, 2pm. Gipangunahan kini sa mga lideres sa maong GKK. Ang panagtigum gitambungan sa setenta (70) ka mga batan-on gikan sa pito (7) ka mga pundok banay. Gisugdan ang meeting pinaagi sa groupings aron makahimamat sa mga batan-on ang matag usa. Gihisgutan sa panagtapok ang mga umaabot nga kalihukan sama sa Fun Run, GKK Youth Day, Variety Show, ug Novena Masses alang sa umaabot na pista sa San Pedro Calungsod Quasi-Parish.

Matud pa ni Daryl Joy Ahon, usa ka miyembro sa mga batan-on nga nalipay siya sa serbisyo ug paningkamot sa mga youth leaders aron magkatapok ug mahiusa ang tanang batan-on sa GKK.

Naobserbahan sab niya nga nahimo silang aktibo sa mga kalihukan sa katilingban. Nanghinaut siya nga magpadayon ang ilang pagka-aktibo.

Ingon pa ni Mark Joseph Gamao, usa sa mga lideres ug nagdumala sa mga kalihukan sa mga batan-on sa GKK nagmalipayon siya kay iyang nakita nga aktibo silang niapil sa mga aktibidad ug positibo ang pagtubag sa ilang panawagan.  Ang maong meeting ang unang panagtigum sa mga batan-on sa tibuok parokya pagkahuman sa epektibong home visitation sa matag pundok banay. Gitapos ang tigum pinaagi sa pagtambong sa Santos nga Misa. (Edriele Mae Ordista | Lorelyn May A. Lahoylahoy | SPC SoCCom)

No Comments

Post A Comment