Our Mother of Perpetual Help Parish GSL zone 7 GKK servant leaders sa Zone 7 nag fellowship human magmiting.

GKK Roseville ibalhin na sa laing parokya

Our Mother of Perpetual Help Parish GSL zone 7

GKK servant leaders sa Zone 7 nag fellowship human magmiting.

Nagmeeting ang mga GKK Servant Leaders (GSL) sa Zone 7 niadtong Hulyo 16 sa gabii. Agenda mao ang GKK Strategic Plan, mga schedule, reporting kada ministriya ug pagsugod sa proseso sa pagbalhin sa GKK Roseville ngadto sa St. Francis of Assisi, La Verna Parish. Ginatapos na lang ang ubang dokumento. Nakaduha na ka higayon nga nakasinati ang GKK NHA ug “separation anxiety” apan dawaton nila kini kay alang man sa kalamboan sa tanan. Hulaton nalang kuno nila ang bag-ong GKK nga makauban sa re-zoning nga pagabuhaton sa parokya.

Si Inday Abapo nagpasabot sa strategic plan output base sa “blue book” (OMPH strategic plan) sa kada GKK. Ang pagpasabot sa GKK NHA nahitabo niadtong Hulyo 19, samtang ang GKK San Antonio karong Agosto 8.

Ang GKK mass sa GKK NHA mahitabo karong Hulyo 27 ug sa GKK San Antonio karong Agosto 31, 7 sa gabii.

Adunay bloodletting karong adlawa gikan alas 7 sa buntag hangtud alas 12:00 sa udto didto sa SATMI gym, likod sa parokya sa Bajada. Gipahibalo ni Malou Antoque nga adunay bag-ong proseso sa pagkuha ug dugo o pag-avail sa benepisyo sa pagkuha ug dugo gikan sa GKK. Kini mao ang pagdala ngadto sa ilang GKK PAP sa “Request for Blood” nga pinirmahan sa doktor aron matagaan ug withdrawal slip, human didto na dayon kuhaon ang dugo sa Blood Bank sa mga mosunod nga accredited hospitals diin sila na-admit sama sa SPMC, San Pedro Hospital, Brokenshire, Davao Doctors, ug CHDC.

Sa July 29 mao ang archdiocesan convention sa Family and Life Apostolate ug Pangulo sa Katilingbanong Banay (PSKB) didto sa St. Francis Regional Major Seminary, alas 8-4. Magdala ug kan-on ug magbayad ug registration nga P30.00 kada tao. Aduna usab t-shirt nga tag P 200+ depende sa size.

Nagreport ang PSKB nga si Ponciano Caliso. Ingon niya kada adlaw na ang interview alang sa mga mansibado apan magtext una kang Sharon, parish worker. Target date sa mansibado nga kasal karong Agosto 20 gikan sa naunang schedule nga Hulyo 29.

Nagreport bahin sa schedule sa “Inter Mirifica” (Document on Social Communications) karong Setyembre sa mga PSK ug SoCCom si Marieta Comighud.

Ang mga PSL usab pinaagi sa ilang coordinator, Dondon Martinez, nagpahibalo nga sa kada bulan nga meeting nila aduna silay input bahin sa mga mosunod: pag-assist sa pari panahon sa misa, reading skills, exegesis, St. Alphonsus’ life, ug sacraments. Ang retreat sa sona 7 pagahimuon karong Hulyo 25, Martes sa gabii gamit ang basahon alang sa Agosto 13.

Recreation sa August 6 ang update sa PSK Coordinator, Fe Jayectin.

Human sa katapusang pag-ampo natapos ang zonal meeting alas 10 sa gabii. (Marieta Comighud | OMPH SoCCom)

No Comments

Post A Comment