Icon sa MOPH ipasabot sa St. Jude GKK

Malipayong nagsaulog ang katilingban sa Mother of Perpetual Help (MOPH) sa Mt. Apo St. sa ika-46 niini nga kapistahan niadtong Hunyo 27.

Ang Santos nga Misa gisugdan sa alas 7:00 sa buntag uban sa among Kura Paroko Fr. Pedro Lamata.

Diha sa iyang homiliya, gipakita ang icon sa MOPH. Matud pa niya iya kining hatagan ug panahon nga kini mapasabot sa katilingban unsay mga kahulogan niiini aron kini masabtan ug maayo. Aron masabtan gayud kini’g maayo, kauban ang formation team ila kining hubaron sa binisaya.

Aron usab mas mapalawom ang pag-ila ug pagsalig sa kamaayong inahan ni Birhen Maria sa iyang anak nga si Hesus, giawhag sa kura paroko nga himuon ang Kasaulogan sa Pulong matag Miyerkoles sa gabii imbes nga matag Sabado kay ang adlaw nga Miyerkoles mao man kini ang adlaw sa iyang kasaulogan.

Nanghinaut kaming mga GSLs dinhi nga kining tanang mga pangandoy ug tinguha among makab-ot ug mahatagan og katumanan, pinaagi sa kalooy ug pangama ni Birhen Maria ang Inahan sa Kanunay’ng Panabang. (Ester Florece | SJP SoCCom)