Davao Clergy daog vs Task Force Davao

Mga kaparian misalmot sa Liga batok sa Task Force Davao

Malipayong gisaulog sa mga parokyano ang ika-67 nga kapistahan sa parokya sa The Most Sacred Heart of Jesus – Calinan.

Usa sa highlights niini mao ang liga sa basketbol nga gisalmotan sa Davao clergy (diin ang mga pari naggikan pa sa lain laing parokya dinhi sa Artsidiyosesis sa Dabaw) batok Task Force Davao. Ang mga pari mao sila Fr. Raul Nieves, Fr. Johnny Autida, Fr. Roy Mejias, Fr. Ricky Flores, Fr. Ronald Arcillas, Fr. Rene Ribac, Fr. Dioscoro Saniel, Fr. Leif Simbajon, Fr. Jemasol Ortiz, Fr. Elneri Meñez, ug uban pang kaparian sa Dabaw.

Malipayon ang mga kaparian inubanan sa suporta sa Kura Paroko Fr. Arnel P. Tadeo ug parish staff sa Calinan.

Ang Davao Clergy naka 82 puntos samtang ang Task Force Davao naka 73 puntos. Onse (11) puntos ang biya ug ang mananaog mao ang Davao Clergy.

Ang maong dula gitapos sa Davao Clergy sa pag-ampo una sila nagtapok aron tiwason ang selebrasyon sa kapistahan.

Nakigdula ang kaparian sa uban pang grupo aron sa pag promote sa bokasyon ug nga aron mas mahiduol pa sila sa kasingkasing sa katilingban. Congratulations! (Jhunryl Bonghanoy)