Earthquake and Fire Drill, La Verna

Atol sa GSL General Assembly sa St. Francis of Assisi Parish La Verna niadtong July 30, 2017 sa Parish Pastoral Bulding gipahigayon ang Earthquake and Fire Drill nga gipangulohan ni Mr. Reynaldo Luna nga taga Matina Emergency Rescue Team (MERT) ug ang PSAM (Parish Social Action Ministry) nga gipangulohan ni Bro. Jun Bernaldez ang PSAM Coordinator.

Sumala pa ni Mr. Luna gikinahanglan kining maong Disaster Preparedness natong tanan dili lamang mga GSL kundili kitang tanang lumolupyo aron maandam kita kun adunay moabot nga mga dagkung katalagman susama sa gipangandaman karon sa atong gobyerno nga mao ang The Big One.

Gihisgutan usab sa asembliya ang sulod sa Red Book ang Sacrament of the Holy Baptism. Gipasabot ni Fr. Junar dela Victoria ang kura paroko sa maong parokya unsa kamahinungdanon ang emergency baptism ug unsaon kini paghimo ug kinsa ang makahimo niini. Matud pa ni Fr. Junar kitang tanan pwede mohimo niini sa atong mga igsoon kung emergency cases gyud. Himoon ang pagbubo ug tubig pag kurus sa agtang ug isulti ang pangalan sa maong gibunyagan pagkahuman i-report sa parokya aron kini ma rehistro.

Ubang gihisgotan sa assembliya mao ang update sa PSKB Ministry ni Bro. Joseph Uy, update sa skills training sa PSAM ug ang update sa Finance Council nga gi report ni Bro. Robert Herrero ang proceeds sa Dinner for a Cause Fund Raising. Gilakbit usab si Bro. Robert ang paghisgot sa programa sa umaabot nga kapistahan sa parokya.

Nahuman ang assembliya alas 11:00am sa buntag. Nanguli nga puno sa pagtulon-an ug inpormasyon ang mga GSL. (Sylvia Gamaya Orbeta)