Kompetisyon sa pagsuwat ug kanta

“Tell the world of His love.” “Christ in Us, Our Hope in Glory.”

Duha lamang kini sa mga kanta nga nisikat human napili sa songwriting competitions nga giorganisa mismo sa atong Simbahan sa Pilipinas. Hangtud karon kining World Youth Day 1995 ug 51st International Eucharistic 2016 theme songs, ato gihapong madunggan nga ginakanta sa mga hamtong ug sa mga bata.

Niay pipila ka mga tips nga makatabang sa pag organisa ug Song Writing Festival o kompetisyon.

1. Unsa man ang imong gusto – song festival o song contest? Ang song festival walay premyo. Ang song contest. Naa. Examples sa Festival mao ang musunod: Original Marian Songwriting Festival, Mga Awiting Bayan (NCCA), ug international choral festival. Sa competition, niay mga examples: Hunino Songwriting Competition (OSA), Cebu Popular Music Festival (CHAC).
2. Unsa man ang katuyoan sa song festival o contest? Mga rason niini mahimong pagdayeg, pagpasidungog kang Maria, liturhiya, pagpangita ug bag-ong songwriter, o makalikom ug pondo.
3. Kinsa man ang mga tawong apil niini?
   1. Business / Marketing team
   2. Artistic Team
   3. Participants
   4. Judges / Screening committee
4. Paglatid sa programa bag-o ang event sama sa meetings, paghimo ug timeline, pag promote, pictorials, musical arrangements, recordings, band ug technical rehearsals
5. Posibleng galastohon sa event night mao ang musunod: prizes, honorarium sa judges / screening committees, musical arrangers, score arrangers, vocal arrangers, recording cost, CD production, promotional materials, band / orchestra / musicians, event manager, artistic committee, guest artist, venue, sound system/logistics, and food.
6. Posibleng kakuhaan ug pondo mao ang donasyon sa sponsors, donors, benefactors, ticket sales ug CD sales.

“Importante nga sigurado mo sa tuyo sa pag organisa sa usa ka song writing contest,” sumala pa ang unod sa lecture nga gihatag ni Maestro Nino Baῂarez sa bag-o lamang nahuman nga 3rd National Media Convention sa Cebu City, niadtong Agosto 14-17.

Matud pa sa usa ka partisipante nga si Fr. Oliver Verdejo gikan sa Malaybalay, Bukidnon mas maayo nga adunay categories ang competition sama sa “liturgical (mass songs like for Mary or Marian), praise and worship, wedding songs, then kinadak-an ang category sa popular songs.”