San Miguel Parish Panacan GKK SoCCom Meeting

San Miguel Parish Panacan GKK SocCom Meeting

San Miguel Parish Panacan GKK SoCCom MeetingGipahigayon ang GKK SOCCOM Meeting kaniadtong Hulyo 30, 2017. Kini ang unang higayon alang sa mga bag-o nga na instalar nga mga GKK Secretary ug sa bag-o nga Coordinator sa Parish SOCCOM.

Aktibo ang grupo mipadayag sa ilang mga kuro-kuro ug panghuna-huna mahitungod sa mga “Katungdanan” base sa Yellow Book isip usa ka GKK SOCCOM. Nakita ang panginahanglan ug gikauyunan sa tanan nga magpahigayon ug pagsanay unsaon paghimo sa minutas nga angay ug tukma gayud. Dako akong pasalamat kay bag-o ra usab nahuman ang training “How to make Minutes” sa mga Parish SOCCOM, kadto lamang Hulyo 29, 2017 sa San Isidro Labrador Parish sa Catalunan Grande. Mapa-ambit na kini dayon sa mga GKK SOCCOM karong umaabot nga Agosto 27, 2017 human sa 3rd Mass.

Dungan sa maong panagtapok gilunsad usab ang “Piso alang sa mga Seminarista” isip suporta sa atong mga Seminarista duyog sa pag selebrar sa “Vocation Month” kada Septembre.

Gika uyunan usab sa grupo nga adunay binulan nga meeting pagahimuon sa matag 3rd Sunday of the month, ug gi awhag ang tanan sa pag partisipar. Sa maka usa pa daghang salamat sa mitambong og mihatag sa ilang suporta.

No Comments

Post A Comment