Pahinungod kang Maria

Atol sa adlaw’ng natawhan ni Birheng Maria niadtong Setyembre 8, ang Disciples of Our Lady of Mary Mediatrix of All Grace (DOLMMAG) of San Miguel Parish, Panacan nagpahigayon ug panawduaw. Kini gihimo sa pagbisita sa mga parokya nga patron si Maria samtang maglitok ug duha ka libong “Maghimaya ka Maria” ug petisyon sa kada Misteryo, chaplet ug Marian songs. Gikan kini sa Panacan alas 7 sa buntag hangtud sa alas 4 sa hapon ug natapos ang selebrasyon pinaagi sa Santos nga Misa sa parokya ni San Miguel. Matod pa sa nagtukod sa DOLMMAG nga si Vilma Rivas, “gipahinungod kini para sa kalinaw sa kalibutan ug labaw sa tanan didto sa Marawi. Kining maong selebrasyon gipanata na sa maong grupo tungod sa lamdag sa Espiritu Santo, aparisyon o pagpakita sa Birhen mismo diha sa grupo ug pipila ka mga magtutuo.” (Ric Otero |SMP SoCCom | Photo: Lilibeth Ramirez)

There is one comment

Post Your Thoughts