PIsta sa Sr. San Agustin GKK - Polocon Adult Baptism sa GKK San Agustin.

Pista sa Sr. San Agustin GKK – Polocon Malampuson

PIsta sa Sr. San Agustin GKK - Polocon

Adult Baptism sa GKK San Agustin.

Nagmalampuson ang among ika 45 ka tuig nga kasumaran sa kapistahan ni Sr. San Agustin, Agosto 28, 2017 alas 10 sa buntag dinhi sa among Polocon GKK Chapel uban sa tema: Pista ni San Agustin, Saulogon, Kahiusahan, Palambuon. Ug ang nangulo sa among santos nga misa mao si Rev. Fr. Jemasol Ortiz ug matod pa sa homily ni Fr. Jojo gikan sa ebanghelyo ni San Mateo nga nagkanayon: Ang kausaban sa nahitabo ni San Agustin dili sa iyang kaugalingong kapasidad kung dili sa grasya sa Diyos.

Ang among nobena magsugod atong Agosto 19, sa matag alas 7:00 sa gabii. Human sa among kasaulogan adunay painit nga giandam ang matag pundok banay sulod sa 9 ka gabii, inubanan usab ug pagpaluap sa mga pahibalo sa among PSK ang kalihukan sa among kapistahan. Ang prosisyon Dominggo sa kaadlawon magsugod alas 4:00 sa kabuntagon sa matag adlaw sa Dominggo.

Mr. Edgardo Pogong, PSK. Dako akong pasalamat ning ika 45 ka tuig nga kasumaran sa atong kapistahan ni Sr. San Agustin uban sa akong mga kaubang mga pangulo sa GKK, ingon man sa among kaubang 4 ka GKK zone U-B ilabi na gayud sa among mga membro nga nagsuporta sa moral ug pinansyal nga mga suporta dayon man sa among PSK Coordinator nga si Brod Gino Pedrosa. ug Labaw sa tanan sa atong halangdong kura paruko Rev. Fr. Jojo Ortiz. Father daghan kaayong salamat.

Mrs. Mechelle Argawanon, Pundok Banay 4 leader: mapasalamaton kaayo ko ug dako ngadto sa atong labawng makagagahum tungod sa nagmalampuson natong kapistahan karon bisan tuod ug gisungog ta sa kusog nga ulan atol sa atong santos nga misa, apan mapadayonon ug malipayon tang nagsaulog sa bangkete sa atong Ginoo.

Mr. Antonio Intes, membro nagkanayon: Daghang kapistahan among naagian apan karon pa nako masaksihan among misa adunay hamtong gibunyagan ug gidungan pa jud ang kompirma. Mao nga akong timbaya alang sa atong mga membro nga wala pa makumpleto ug dawat sa mga sakramento. Ayaw ninyo palabya ang kahigayonan nga gihatag sa atong parokya. Duol namo sa atong katilingban aron ta managhan.

Tumong sa santos nga misa adunay 2 ka parisan sa mga hamtong nga gibunyagan ug gikumpirmahan. Unya gisunod ang 6 ka partisan sa mga kabataangibunyagan. Human sa paniudto, pagka alas 2:00 pasado adunay parlor games gipahitabo ang mga batan-on pinanguluhan sa among youth president miss Arlene Intes uban sa iyang mga kabatan-onan.

Happy 45th Fiesta celebration Viva Sr. San Agustin! (Albertita Arcillas | GKK SoCCom)

No Comments

Post A Comment