OMPH: andam na sab musagop ug kinabuhi

“Drug kills.” Sigun sa atong Arsobispo Romulo G. Valles D.D sa iyang homiliya sa launching sa Sagop Kinabuhi Program 2 Community Based Rehabilitation Program kon SKP 2 niadtong Setyembre 17, 2017 sa Our Mother of Perpetual Help Parish, Bajada. Ang maong aktibidad gitambongan sa 28 ka Voluntary Submission for Reformation Persons (VSRP) uban ang mga representante gikan sa nagkalain-laing ahensya sa gobyerno sama sa Barangay Buhangin, Archdiocesan Social Action Center (ASAC), City Social Services Development Office (CSSDO), City Mayor’s office, Philippine National Police (PNP), mga sakop sa Parish Social Action Ministry (PSAM) ug mga members sa Parish Pastoral Council (PPC). Kini ginabuhat sa simbahan uban ang lokal nga gobyerno alang pagtabang sa mga nabiktima sa droga apan gusto mabag-o ang ilang kinabuhi.

Human sa misa, nagpahigayon ug programa sa 3rd Floor sa Parish Pastoral Council (PPC) building diin gisugdan kini ug giabi-abi sa Kura Paruko Father James Narisma ang tanan. Puno ug pasalamat ug panghinaut nga makalahutay unta ang tanan aron makab-ot ang tinguha nga mabalik na sila ug mamahimong produktibo.

Mensahe gikan sa ASAC Director Fr. Bong Dublan nga dapat unta ang simbahan sa “formative aspect” lamang unta apan kaning SKP2 nga programa sa simbahan, labot na ang “after care” kanilang mga VSRP, aron masiguro nga makalahutay gayud sila.

Samtang si Brgy Capt. Salvador nalipay nga ang iyang barangay ang napiling mahimong partner sa SKP2 sa OMPH ug ubang partner agencies.

Mensahe usab ni Mayor Sara Duterte diin gihatag ni Dr. Gene Gulanes, manager sa Davao City Treatment and Rehabilitation Center for Drug Dependents (DCTRDD), gikalipay niya ang suporta alang sa gihimong SKP2 launching.

Napaambit pud ni Dr. Gulanes nga 1% to 2% lang sa mga drug dependents ang mosulod sa mga Rehabilitation Centers, mas dako ang maka-avail sa recovery kung community-based ang rehabilitation program. Giambit niya nga kaning “After Care” nga pamaagi “best practice” nato diri sa Davao ug nga kita pa lang sa rehiyon ang anaa niini.

Gipasabot sa ASAC Formator, Dennis Mabayao nga magsugod kini sa 1. Prevention, 2. Treatment and intervention, 3. After care program, ug 4. Reintegration with the community.

Misunod ang reading of “Statement of Commitment” ni Elena Alconaba-OMPH PSAM Coordinator. Human sa pagbasa namirma ang mga partners sa tarpaulin nga giandam. Wala man sa programa, naghatag ug presentasyon si Dr. Lee, Dong-Sul OMD-Chairman of the WIDTC Oriental Medicine (Ph.D.) Philippine Certified Acupuncturist-Acupuncture Doctor of World Brain Touch specialist. Iyang video presentation mahitungod sa usa ka 1-minute treatment ang kiang nakatarong ug lakaw, ang bungol sa pila na ka tuig nakadungog ug uban pa. Nagpahibalo siya nga buot siyang motabang nga maayo ang mga common illness sa mga drug dependents.

Ang SKP 2 gisugdan niadtong October 7, 2016 sa San Pablo Parish. (Marietta Comighud | OMPH SoCCom)

No Comments

Post A Comment