Our Mother of Perpetual Help (Redemptorist) Parish Youth Ministry (PYM) Rosary movement

Batan-on nahimong misyonaryo ni Maria

Our Mother of Perpetual Help (Redemptorist) Parish Youth Ministry (PYM) Rosary movementPipila na ka tuig, ang kalayo sa gugma sa mga batan-on kang Maria nagapadayon gihapon. Ang evangelization committee sa Parish Youth Ministry (PYM) sa Our Mother of Perpetual Help (Redemptorist) Bajada nagpatigayon ug Rosary movement sulod sa bulan sa Oktobre. Kini ginahimo alang sa pagsabwag sa debosyon sa Santos nga Rosaryo diin ginatambongan ug mga batan-on ug mga lumulihok sa mga katilingban.

Our Mother of Perpetual Help (Redemptorist) Parish Youth Ministry (PYM) Rosary movementGikan sa parokya gina-prusisyon nila ang icon ni Maria uban sa pag-ampo sa rosaryo didto sa mga Gagmay’ng Kristohanong Katilingban (GKK). Pagka-ugma sa dili pa nila kuhaon ang Birhen adunay pagtulon-an bahin sa “Pagka inahan ni Maria diha sa simbahan” nga moabot ug 15-20 ka minuto sa dili pa i-prosesyon padulong sa laing GKK uban sa rosaryo ug mga kanta alang kang Maria. Sa pag-abot na sa laing kapilya adunay enthronement nga mahibato, diin ang mubitbit sa imahe maglakaw padulong sa altar. Adunay pasiunang awit, pag-ampo, pagbasa ug ebanghelyo, pamalandong, ug pagpaambit.

Human niini mosunod dayon ang fellowship snacks kauban ang mga hamtong nga kanunay andam sa pagsuporta kanila. (Marietta Comighud | OMPH SoCCom)

No Comments

Post A Comment