Bulan sa Santos nga Rosaryo gitapos na

Ang kapilya sa St. Anthony nga sakop sa St. Francis of Assisi Parish La Verna nagpahigayon sa Holy Rosary Month culmination niadtong Oktobre 30.

Naandan na sa maong Gagmay’ng Kristohanong Katilingban (GKK) nga ang Holy Rosary month ginapahigayon sulod lamang sa kapilya, ug nakita nga walay kalainan ang mga motambong niini, sa ato pa suki suki lang mga 5-7. Apan karong tuiga gisulayan nga gibalaybalay ug nakit-an nga malampuson tungod kay daghan ang mga nanambong. Matag pamilya nga masak-an mouban na kini inig balhin sa Birhen.

Busa, aging pagpasidungog sa mga pamilya nga nidawat sa maong kalihukan sulod sa usa ka bulan gihatagan sila ug certificate of appreciation. Matud pa ni Viola Javier ug Maritess Lim dako kaayo ang ilang pasalamat nga midawat sila sa Birhen kay first time nila nga nakasinati nga midawat ug certificate.

Una, nagsugod ang pagpanghatag ug certicate nagpahigayon ug ‘living Rosary.’ Kini gipahigayon sa kapilya. Ang mga partisipante mao ang mga pamilya nga nasak-an sa Birhen sa tibuok bulan.

Mapasalamaton kaayo ang mga GKK Servant Leaders sa suporta sa mga myembro ug labaw sa tanan ang presensiya sa kura paroko atol sa maong kulminasyon. (Sylvia Gamaya Orbeta | SFAP SoCCom)

Post Your Thoughts