Divine Mercy St. Francis of Assisi La Verna Divine Mercy devotee nagpapicture uban sa imahe. (Photo: Sylvia Orbeta)

Divine Mercy gipasidunggan sa kapilya

Divine Mercy St. Francis of Assisi La Verna

Divine Mercy devotee nagpapicture uban sa imahe. (Photo: Sylvia Orbeta)

Ang katilingban sa St. Anthony sakop sa parokya sa St. Francis of Assisi La Verna nagsaulog sa ikanapulo’g tulo nga anibersaryo sa pag-abot sa Divine Mercy. Kini usa ka debosyon sa Gagmay’ng Kristohanong Katilingban (GKK) ug nahitabo kini niadtong Oktobre 23.

Nahinumdoman nga ang grupo nga nagdala sa Divine Mercy nga imahe naggikan pa sa Lagao, General Santos City. Gipsidunggaan kini pinaagi sa enthronement diin gunitan ang imahe ug bitbiton padulong sa altar. Ug kining maong enthronement pagabuhaton sab dili lang sa kapilya apil napud ang mga panimalay kausa sa matag semana.

Ang naandan sa pagsaulog sa anibersaryo mao ang pagnobena ug 9 ka adlaw sa kapilya una moabot ang adlaw sa anibersaryo, apan karong tuiga gibalay-balay ang pagnovena dungan sa pagsaulog atol sa bulan sa Santos nga Rosaryo diin gibalay balay usab kini.

Sa adlaw sa anibersaryo gilibot o giprosisyon ang imahen sa katilingban ug nagsugod kini alas 4:30 sa kabuntagon dayon gisunod ang ikasiyam ka adlaw sa nobena. Pagkahuman adunay fellowship diin ang matag usa nagdala ug mga pagkaon aron ipaambit sa mga nanambong. (Sylvia Gamaya Orbeta | SFAP SoCCom)

No Comments

Post A Comment