ASAC 50th Anniversary

“Ang tanan natong lihok ang sentro sa eukaristiya. Kining atong lihok dili magmalampuson kung dili maggikan sa tuburan nga mao ang Krus diin pinaagi niini gipildi ni Kristo ang kamatayon,” unang giingon sa atong Arsobispo Romulo G. Valles, D.D. niadtong ika-50th nga anibersaryo sa Archdiocesan Social Action Center sa Regional Major Seminary niadtong December 17, 2017.

Miingon siya sa kapin 2,600 ka mga myembro sa social action ministry sa archdiocese sa matag parokya nga, “in your own unique and particular ways, inyong gidala ang presensya sa Ginoo ngadto sa uban.” Iyahang gipahimangnoan sila nga kining tanan gibuhat nga adunay kalipay, “nianhi kamo nga malipayon. Kalipayon nga nag-alagad sa Ginoo. Naghago kamo, boluntaryo, naglaum ako ug nagtoo nga kanunay inyong nasinati ang kalipay sa pag-alagad.”

Gasa sa Espirito Santo
Nagsibya atong Arsobispo nga, “walay budget ang GKK, unya dili pa gayud ta malipayon, hastang dimalasa.” Siya miingon nga kining tanan nagagikan sa kalipay nga dili matungkad, “dunay kalipay nga dili masukod gikan sa atong pag-alagad. Mupadayon kita, ug for the past 50 years ang dako nga factor mao ang ang Espiritu sa Ginoo.”

Kining tanang buhat gasa gikan sa Ginoo ug inspirasyon sa Espiritu Santo, “ipadala kamo sa ngitngit, sa baho, sa ngil-ad, sa mga dili na kabalo mupahiyom. How can this be? Ang gahum gikan sa kinahitas-an maoy atong lamdag.

Mamahimong Juan nga Magbubunyag
“ASAC sa lima ka dekada go go go na!” Miingon ang atong Arsobispo nga sama sa ebanghelyo mamahimong kitang sama kang Juan Magbubunyag, “pagkanindot ba nga kita 2,600 mamahimong Juan nga magbubunyag ug atong paningkamotan nga ang Ginoo matawo sa belen sa atoang kasingkasing. Paningkamotan nato nga maghatag ug kaayo sa atong mga kaigsoonan nga nakapuyo sa kangitngit ug ilang maingon nga buhi diay ang Ginoo.”

Ug sa katapusan siya miingon nga, “we will go go go na kay instrumento raman ta, gipildi niya ang worst enemy nga kamatayon kay kining tanan trabaho, ang papel sa PSK ug ang papel sa simbahan mao ang lihok ug gahum sa Diyos.”

No Comments

Post A Comment